Հասարակություն

Խորհրդարանն ընդունեց գյուղատնտեսական կոոպերատիվների ներդրման օրենսդրական նախաձեռնությունը

lusinevasilyan
Խորհրդարանն այսօր ձայների 66 կողմ, 31 ձենպահ, 3 դեմ հարաբերակցությամբ առաջին ընթերցմամբ  ընդունել է գյուղատնտեսական կոոպետրատիվների և դրանց միությունների ստեղծման մասին օրենսդրական փաթեթը: Այն երեկ քննարկվել էր գրեթե ողջ օրը. պատգամավորներն, ընդհանուր առմամբ,  գաղափարն ընդունելի են համարում, բայց կարծում են, որ նախագծում տեղ գտած  ձևակերպումներից շատերը թերի են ու խնդրահարույց: Հենց դրանով է իր ձեռնպահ քվեարկությունը հիմնավորել «Բարգավաճ Հայաստան» խմբակցությունը:

« Գաղափարը լավն է, բայց նախագիծը փնթի է՝ բազմաթիվ հակասություններով: Մեր առաջարկը մնում է ուժի մեջ՝ քվեարկությունը երեք ընթերցումներով չկազմակերպել»:

Ձեր կարծիքները ներկայացվել  են կառավարությանը: Գործադիը ինչ որոշում ընդունել է, այդպես էլ կքննարկենք՝ ասել է Գալուստ Սահակյանը:

Ազգային ժողովը շարունակում է կառավարության նախաձեռնությամբ դեկտեմբերի 14-ից հրավիրված արտահերթ նստաշրջանի աշխատանքը: Օրակարգում, հիշեցնենք, 40 հարց է: Պատգամավորներն առայժմ հասցրել են քննարկել օրակարգային հարցերի հազիվ մեկ քառորդը: Դեռ  քննարկման են սպասում Վերահսկիչ պալատի  գործունեության  նախորդ տարվա հաշվետվությունն ու 2016-ի ծրագիրը, վարկային մի քանի համաձայնագրեր: Իսկ օրենսդրական փաթեթներից շատերը կառավարությունն առաջարկել է քննարկել միանգամից երեք ընթերցումներով:

Back to top button