ԱԺ ճեպազրույցների առանցքում` սահմանադրական փոփոխություններն են (լրացված)

տեղադրվել է ժամը 15։48- ին
լրացվել է ժամը 18։12- ին

Աշնանային նստաշրջանի աշխատանքը խորհրդարանական խմբակցություններն  այսօր ամփոփել են ավանդական ճեպազրույցներով: Թեև արդեն հայտնի է, որ հաջորդ շաբաթ Ազգային ժողովը կառավարության նախաձեռնությամբ արտահերթ նստաշրջան է հրավիրելու, բայց այս ճեպազրույցները  վերջինն էին աշնանային նստաշրջանի ընթացքում, թերևս հենց դրանով էլ   կարևոր՝ խմբակցություններից շատերի համար:

ՀԱԿ-ն, օրինակ, ճեպազրույցները չի  բոյկոտել՝  ի տարբերություն ողջ քառօրյայի: Իսկ քննարկման թիվ մեկ թեման եղել է սահմանադրական փոփոխությունների հանրաքվեն: Ընդդիմադիրները խոսել են իրենց հետագա քայլերի մասին,  նախագիծը պաշտպանած ուժերը արձագանքել են ընդդիմադիրների գնահատականներին: