Նա նշել է, որ իշխող կուսակցությունը կարևորում է սահմանադրական փոփոխությունների ընդունումը, բայց ցանկացած գնով դրանց ընդունումը գերխնդիր չի համարում: Մեզ պետք է որակյալ հանրաքվե՝ ասել է Շարմազանովը ու վստահեցրել. որ իշխանություններն ամեն ինչ անելու են այդ որակն ապահովելու համար:
Փոփոխություններն , ըստ Շարմազանովի, 2 հիմնական նպատակ ունեն՝ պայմաններ ստեղծել արդյունավետ ու կայուն կառավարման և անցնցում իշխանափոխության համար: Ի դեպ, Շարմազանովն այս դիտարկումն արել է՝ պատասխանելով կայուն մեծամասնության դրույթին և ՀՀԿ-ի ակնկալիքներին վերաբերող հարցին:
«Իսկ ով է ասել, որ Հանրապետականը չի լինելու կամ չի ուզում լինել: Ես տպավրուրթյուն ունեմ, որ սահմանադրական փոփոխությունները նրա համար են, որ Հանրապետականին զրկեն իշխանությունից: Եթե քաղաքական որևէ ուժ գնում է ընտրությունների ու ասում ՝ չեմ ուզում հաղթել, դա աննորմալ է ու անբարոյական: Նույն բանն է, որ Ռեալը Բարսելոնայի հետ դաշտ մտնի ու ասի ՝ եկել եմ պարտվելու»:
Անդրադառնալով «Նոր Հայաստան» փրկության ճակատի կողմից այսր հրավիրված հանրահավաքին՝ Շարմազանովը հույս է հայտնել, որ ամեն ինչ կընթանա օրինականության սահմաններում և հորոդորել է հանրաքվեն առճակատման չվերածել: Ինչ վերաբերում է իշխանափոխության պահանջին, ապա ԱԺ փոխխոսնակը ընդդիմությունը հիշեցրել, որ դրա ճանապարհը ընտրություններն են:
