Ռուբլու գոտի մտնելու դեպքում Հայաստանում սոցիալական պայթյուն տեղի կունենա, ու թող սահմանադրություն փոխելու փոխարեն իշխանությունները մտածեն այդ մասին և ոչ թե ռեալիթի շոու կազմակերպեն, շարունակեց Անուշ Սեդրակյանը. ըստ նրա՝ առաջարկվող փաստաթուղթն ըստ էության փոփոխություն չէ. «Ձևով ավելի ժողովրդավար, բովանդակությամբ նույնը: Սակայն ձևը մի օր կարող է և բովանդակության փոփոխության բերել»:
Ազատ դեմկրատների փոխնախագահը մտավախություններ ունի ղարաբաղյան խնդրի կարգավորման հարցում. առաջարկվող փաստաթղթով պատասխանատվությունը անձերից տեղափոխվում է ներկայացուցչական մարմին:
Ի տարբերություն հնչած մտավախության՝ ԱԺ ՀՀԿ խմբակցության անդամ Տաճատ Վարդապետյանը ավելի ճիշտ է համարում ղարաբաղյան խնդրում կոլեգիալ մարմնով լուծման տարբերակը:
Եվ ընդհանրապես, այն երկրները, որոնք ժողովրդավարության առաջընթաց են արձանագրել, ընտրել են կառավարման խորհրդարանական համակարգը:
«Մենք քաղաքական էվոլյուցիա ենք ապրում, և «Ոչ»-ի կողմնակիցները ևս ժամանակին կողմ էին կառավարման խորհրդարանական համակարգին»:
Տաճատ Վարդապետյանի համոզմամբ՝ առաջարկվող սահմանադրությանը «Ոչ» ասող քաղաքական ուժերը պարզապես ընդդիմանալու համար են ասում ոչ, չնայած, որ ժամանակին պնդում էին կառավարման խորհրդարանական մոդելին անցնելու անհրաժեշտության մասին, ասաց:
