Քաղաքական

ԲՀԿ-ն կարևորում է 100 տոկոս համամասնականի անցնելու համակարգը

annanazaryan
Սահմանադրական հանրաքվեի քարոզարշավին ԲՀԿ որոշել է  առանձին մասնակցել: ԲՀԿ-ն «Այո» է ասում, քանի որ որոշ դրույթներ համապատասխանում են կուսակցության առանցքային ծրագրերին, ԲՀԿ-ն բազմիցս է ասել, որ կարևորում են  100 տոկոս համամասնականի անցնելու համակարգը:

Առաջարկվող սահմանադրությանն «այո» ասող  ԲՀԿ խմբակցության քարտուղար Վահե Էնֆիաջյանն այսօր մատնանշել է մի քանի դրույթ, որոնք նրա կարծիքով պետք է հիմք հանդիսանան քաղաքացիների համար «այո» ասելու նոր սահմանադրությանը.  նա համոզված է, որ նոր սահմանադրությունը հնարավորություն կտա փոքր քաղաքական միավորներին ևս հայտնվելու խորհրդարանում:

Այսօր ՀՀԿ մեծամասնություն է շնորհիվ ընտրությունների մեծամասնական համակարգի, առաջարկվողը, սակայն, կբացառի նման հնարավորությունը:

Առաջարկվող սահմանադրությունը, ըստ ԲՀԿ խմբակցության քարտուղար Վահե Էնֆիաջյանի՝ համապատասխանում է ԲՀԿ ծրագրերին: Նրա խոսքով՝ այն ԱԺ փոխխոսնակի ընդդիմադիր դաշտից լինելու հնարավորություն է տալիս ու ընդհանրապես, առաջարկվող սահմանադրությունը ավելի մեծ հնարավորություն է ընձեռում ընդդիմադիրներին: Ազգային անվտանգության հարցերում ևս առաջարկվողը գոհացրել է ԲՀԿ-ին:

Ավելի պրոֆեսիոնալ մոտեցում է ազգային անվտանգության հարցերին վերաբերող կետերում:

Back to top button