Շուրջ չորս տասնյակ հարց՝ կառավարության այաօրվա նիստի օրակարգում: Հերթական հինգշաբթին կառավարությունում առանց բողոքի ակցաիների է ընթացել: Վարչապետ Հովիկ Աբրահամյանը կառավարության անդամներին հորդորել է ավելի սերտ շփվել ԶԼՄ-ների հետ, նիստերից հետո գործադիրի շենքը լքել գլխավոր և ոչ թե ետնամուտքով: Կառավարության անդամներից, սակայն, ոչ բոլորն են հանձնարարականը կատարել, այսօր էլ գլխավոր մուտքով են նիստից հեռացել նույն այն նախարարները, ովքեր սովորաբար , առանց վարչապետի հանձնարարականի էլ կառավարության նիստերից հետո գլխավոր մուտքով են հեռանում: Անդառանալով նիստի օրակարգում ընդգրկված հարցերին՝ նշենք, որ գործադիրը ՀՀ Ազգային ժողովի նախագահին առաջարկել է նոյեմբերի 23-ին ժամը 1100-ին ԱԺ արտահերթ նիստ հրավիրել:Կառավարության պահուստային ֆոնդից ՀՀ կրթության և գիտության նախարարությանը հատկացվել է 17 մլն դրամ: ՀՀ կրթության և գիտության նախարար Արմեն Աշոտյանի խոսքով, նախարարությունը նշված գումարով ձեռք կբերի «Ի՞նչ, Որտե՞ղ, Ե՞րբ» հեռուստանախագիծը Հայաստանում ևս մեկ տարով իրականացնելու արտոնագիր:
Մինչ կառավարության նիստի օրակարգում ընդգրկված հարցերին անդրադառնալը, վարչապետ Հովիկ Աբրահամյանը նախ գործընկերներին կոչ արեց լրատվամիջոցների հետ ավելի սերտ շփվել, պատասխանել լրագրողներին հուզող հարցերին: Հանձնարակակնը պատահական չէր, վարչապետը տեղյակ է՝ նախարարներ ու գերատեսչության ղեկավարկներ կան, ովքեր կառավարության նիստերից հետո գործադիրի շենքը լքում են հետնամուտքով՝ այսպիսով չպատասխանելով լրագրողների հարցերին: Իսկ ԶԼՄ ներկայացուցիչները հիմնականում պաշտոնյաներից փորձում են ստանալ տվյալ օրերին հանրությանը հուզող հարցերի պատասխանները: «Մենք մեր ժողովրդից թաքցնելու ոչինչ չունենք, և դա պետք է ապացուցենք մեր վարքով և գործով»,- հայտարարեց Հովիկ Աբրահամյանը՝ նկատելով, որ կառավարությունը որդեգրել է բաց և թափանցիկ գործելաոճ: Արդեն կառավարության նիստից հետո կառավարության անդամներից գլխավոր մուտքով հեռացան նույն այն նախարարները, ովքեր սովորաբար, հետնամուտքով չեն լքում շենքը:
Հասարակությանը հուզող մեկ այլ հարցի նույնպես անդրադաձ կատարվեց մինչ նիստի մեկնարկը: Առողջապահության նախարարությունն այս տարվա մայիսից մինչև հոկտեմբեր դեղ ներկրող չորս ընկերություններին պատկանող դեղատներում մշտադիտարկում են անցկացրել՝ դեղերի շուկայում տիրող իրավիճակը պարզելու նպատակով: Նրանք ուսումնասիրել են ամենավաճառվող և ըստ գնացուցակների հիսուն անուն դեղամիջոցներ: Մշտադիտարկումն անցակցրել են Երևանում և մարզերում: Արմեն Մուրադյանի տեղեկացմամբ.«դեղորայքի գների 60 տոկոսը մնացել են անփոփոխ, 34տոկոսը նվազել է շուրջ 30 տոկոսով, վեց տոկոսը թանկացել է երեք տոկոսով: Թանկացումը կապված է սեզոնային վաճառքի հետ»:
Շարունակելով առողջապահական թեման նշենք, որ այսօր հաստատվեց Մանուկների և վաղ տարիքի երեխաների համապատասխան ու համարժեք սնուցում ապահովելու նպատակով կրծքով կերակրման խրախուսման ազգային ծրագիրն ու իրականացման 2016-2020թ գործողությունների իրականացման ժամանակացույցն ու միջոցառումների ծրագիրը: Նախագծի ընդունման հիմնական նպատակն է 2020թ-ին 2010-ի համեմատությամբ մինչև վեց ամսեկան երեխաների բացառապես կրծքով սնուցման ցուցանիշն ավելացնել՝ հասցնելով 25 տոկոսի, 2010-ին 35 տոկոս է, 2020-ին՝ ակնկալվում է այն դարձնել մինչև 45 տոկոս:
Այս տարվա նոյեմբերին գրանցված ուժեղ քամիների պատճառով համայնքներին հասցված վնասների հետևանքները վերացնելու նպատակով ՏԿ և ԱԻՆ Արմեն Երիցյանը կառավարությանն առաջարկեց շուրջ 900 մլն դրամ հատկացնել: Վարչապետն իհարկե դեմ չէ, որ քամու հետևանքները վերցավեն, ավելին, հարցը նաև ՀՀ նախագահի հետ են քննարկել, սակայն, ներկայացված թիվը նրան վստահություն չի ներշնչում: Հաշվարկներ կատարելու համար աշխատանքային խումբ կստեծղվի:
Ավելին, Հովիկ Աբրահամյանն առաջարկեց շինարարությունը ավելի արագ կազմակերպելու նպատակով գնումներ կատարել մեկ աղբյուրից.«Ես տեսնում եմ և իմ մտահագությունն է, որ թվերը իրականությանը չեն համապատասխանում»:
Մեր երկրի որդեգրած ՀՀ էներգետիկայի զարգացման ռազամավարության համաձայն, Երևանի ՋԷԿ-ին կից Ռենկո ընկերությունը 234 մեգավատտ հոզորությամբ նոր էներգաբլոկ կկառուցի: Ծրագիրը ընդհանուր արժեքը 215 մլն դոլար է կազմում, աշխատանքները նախատեսվում ՝ ավարտել մինչև 2018թ դեկտեմբեր: Վարչապետ Հովիկ Աբրահամյանի խոսքով.«Այն օտարերկրյա ներդրում է՝ առանց պետական պարտքի ավելացման»:
Հովիկ Աբրահամյանի խոսքով՝ պետք է լինել հետևողական, որպեսզի պայմանագրում որևէ բացթողում չլինի՝ հետագա խնդիրներից խուսափելու համար: Միաժամանակ վարչապետը հանձնարարել է բոլոր շահագրգիռ նախարարությունների, գերատեսչությունների հետ քննարկել այդ հարցը:
Ֆինանսների նախարարի տեղակալ Արմեն Ալավերդյանն առաջարկեց Դիլիջանի ուսումնական կենտրոնի վերակառուցման աշխատանքների ժամկետը տեղափոխել մինչև 2016թ սեպտեմբերի մեկը: Արձագանքելով մամուլի հրապարակումերին, Արմեն Ալավերդյանը նշեց, որ անիրատեսական գնումներ չեն կատարել:
Կառավարության որոշմամբ, 2016թ հունվարի մեկից նոր՝ սերիայի դրոշմապիտակներ շրջանառության մեջ կդրվեն: Հազար հատի համար տնտեսվարողը կվճարի 4416 դրամ, մեկ պիտակի գինը կազմում է 4,4 դրամ: Ի դեպ, պիտակներ հայկական կազմակերպությունն է արտադրում: Նախկին՝ 3,5 դրամի գինը շուրջ 16 տոկոսով բարձրացել է՝ տատանումներով ու մաքսատուրքերի բարձրացմամբ պայմանավորված:
Քաղաքաշինության նախարարությունը Գյումրու Մուշ և Անի թաղամասերում կառուցված 38 բազմաբնակարան շենքերի շուրջ 1756 բնակարանների նվիրատվության գործընթաց է սկսել: Չորս ամիս առաջ սկսված ծրագիրը կավարտվի մինչև հաջորդ տարվա մարտ ամիսը: Այսօր ազդարարվեց Գյումրիում երկրաշարժի հետևանքով անօթևան մնացած ընտանիքներին ԲԳՎ տրամադրման ծրագրի երկրորդ փուլը: Մեկնարկի համար տրամադրվեց շուրջ 85 մլն դրամ: 60 մլն դրամով էլ Վանաձորի 14 ընտանիքների նույնպես ԲԳՎներ կտրամադրվեն: Վարչապետը հիշեցրեց, որ ծրագիրը մեկնարկել է ՀՀ նախագահի հանձնարարականով 2008թ-ին:
Կառավարությունը որոշեց Լոռու և Շիրակի մարզերի 49 համայնքներում 2014-2015թթ մի քանի անգամ տեղացած ուժգին կարկտահարության հետևանքով 5380 գյուղացիների ցորենի սերմարատադրության ու սերմնաբուծության ծրագրի շրջանակներում 2013-2014թթ հատկացված 2118 տ աշնանանացան ցորենի առաջին վերատադրության սերմացուի դիմաց վճարման ենթակա 338 մլն 950 հազար դրամի պարտավորությունը դադարեցնել՝ պարտքը ներելու միջոցով՝ բերքի 90 տոկոսը վնասվել էր հիմքով: «Սա ևս մեկ քայլ է՝ գոյւղացուն և ընդհանրապես գյուղատնտեսության ոլորտին աջակցելու համար»,- ընդգծեց վարչապետ Հովիկ Աբրահամյանը:
Կառավարության աշխատակազմի ղեկավար- նախարար Դավիթ Հարությունյանի ներկայացմամբ, 2008-2010թթ գյուղատնտեսության զարգացման միջազգային հիմնադրամի կողմից իրականացվող ծրագրերով 173 հազար 558 դոլարի ծախսը համարվել է չհիմնավորված: Քրեական գործ է հարուցվել, այն այժմ դատարանում է, սակայն, անհրաժեշտ է այդ գումարը վերադարձնել հիմնադրամին, որպեսզի մյուս ծրագրերը շարունակվեն: Գումարը կհատկացվի կառավարության պահուստային ֆոնդից, իսկ դատական գործընթացների ընթացքում ակնկալվում է գումարի վերականգնում: Հովիկ Աբրահամյանը արդարադատության նախարար Արփինե Հովհաննիսյանին հանձնարարեց հետամուտ լինել ու պարզել, թե ինչու՞ քրեական գործը չի ավարտվում:
