Հասարակություն

Հայաստանը 300 մլն ԱՄՆ դոլարի չափով բյուջետային աջակցության վարկ կստանա

hasmikdilanyan

Կառավարության նիստի օրակարգում ընդգրկված էր երեք տասնյակ հարց: Մինչ,  հատկապես այս օրերին ՀՀ արտաքին պարտքը բազմաթիվ քննադատությունների է արժանանում, Հայաստանի կառավարությունն այսօր հերթական  վարկային նախագիծն է  հաստատում:  Եվրասիական տնտեսական ընկերակցության հակաճգնաժամային հիմնադրամի միջոցներից «ֆինանսական վարկի տրամադրման մասին» համաձայնագրով մեր երկիրը 300 միլիոն ԱՄՆ դոլարի չափով բյուջետային աջակցության վարկ կստանա: Այն տրամադրվելու է  երեք մասնաբաժիններով՝ յուրաքանչյուրը 100 մլն ԱՄՆ դոլար գումարով:

Վարկի տարեկան տոկոսադրույքը կազմում է 2,1%, տրամադրվում է 20 տարի մարման ժամկետով, որից 10 տարին արտոնյալ ժամանակահատվածն է: Գումարներն ուղղվելու են  էներգետիկ հատվածի ֆինանսական կայունության, պետական ֆինանսների կառավարման արդյունավետության բարձրացմանն ու  բիզնեսի վարման պայմանների բարելամանը: Էկոնոմիկայի նախարար Կարեն Ճմշարիտյանի խոսքով՝ արտաքին պարտքի ծավալները հաշվարկվում են, թե ինչքանով է այն տնտեսագիտական առումով մեծ կամ փոքր ու սա ավելի շատ կապված է տնտեսության արդյունավետությունից:

«Եթե կարողանում ես սպասարկել այդ վարկերը, վատ ազդեցություն չի ունենա, մանավանդ, որ եթե այսօր վերցնում ենք օրինակ 10 տարի ժամկետով, ապա որպես պարտք այն հաշվարկվում է 10 տարի հետո»,-ասում է Կարեն Ճշմարիտյանը:

Դիտարկմանը, թե ՀՀ-ի ՀՆԱ-ն դոլարով հաշվարկելու դեպքում նվազել է, իսկ արտաքին պարտքը արտարժույթով է, ինչը ցույց է տալիս, որ ՀՆԱ- արտաքին պարտք հարաբերակցությունը գնալով վատանում է, իսկ արդյունաբերությունը չի զարգանում, նախարարը պատասխանեց. «Միայն արդյունաբերությունով չի, ընդհանուր տնտեսության խնդիր է: Նույնիսկ այս տարի արդյունաբերության աճը, եթե համեմատեք մնացած երկրների հետ, ապա կտեսնեք, որ մեր ցուցանիշները լավագույնն են և՛ տնտեսական աճի իմաստով, և՛ արդյունաբերության, և՛ գյուղատնտեսության»:

Կառավարությունը պահուստային ֆոնդից 1.5 միլիարդ դրամ հատկացրեց Վարդենիս­ Մարտակերտ մայրուղու հիմնանորոգման աշխատանքների իրականացման նպատակով: «Գումարը կհատկացվի   ՀՀ տրանսպորտի և կապի նախարարությանը` «Հայաստան» համահայկական հիմնադրամին տրամադրելու համար:

Պետգույքի կառավարման վարչության պետի տեղակալ Աշոտ Մարկոսյանի  ներկայացրած նախագծով  կառավարության և պետական գույքի կառավարման վարչությանը հանձանաված զինվորական 8 ավանների անշարժ գույքը կհանձնվի ՊՆ-ին: Նախագծի մշակման համար հիմք է հանդիսացել ՀՀ-ի տարածքում ՌԴ-ի ռազամակայնների տեղակայման եւ գործայնական հյողատարածքների եվ այլ գույքի փոխանացման հայ ռուսական միջպետական հանձնաժողովի նիստերում ընդունված որոշումները:

Օրենսդրության կարգավորման ազգային կենտրոնի տնօրեն Արմեն Եղիազարյանն առաջարկեց  ուժը կորցրած ճանարել  նախկին ԽՍՀՄ հեղինակային վկայագրերի հետ կապված գործընթացներին վերաբերող համապատասխան որոշումը:

 

Հարցեր ու դեմ կարծիքներ չկային, ուստի և նախագիծը հաստատվեց:

Մեկ այլ նախագծով էլ  «Երևան Ջուր», «Հայջրմուղկոյուղի», «Լոռի-ջրմուղկոյուղի», «Շիրակ-ջրմուղկոյուղի» և «Նոր Ակունք» փակ բաժնետիրական ընկերությունների կողմից օգտագործվող ու պահպանվող ջրային համակարգը  հանվի կվաճառքի , կընտրվի նոր օպերատոր:

Ջրային պետական կոմիտեի նախագահ Արամ Հարությունյանի տեղեկացմամբ,  վերջին տասնամյակում Հայաստանի Հանրապետության կառավարությունը բարեփոխումներ է իրականացրել ջրամատակարարման և ջրահեռացման ոլորտում՝ արձանագրելով նշանակալի արդյունքներ։

Նշենք, որ  ընկերությունների պայմանագրերի ժամկետը լրանում է 2016 թվականին, և նախատեսվում է նոր մրցույթ անցկացնել, որը հնարավորություն կտա իրականացնել «երկրորդ սերնդի» բարեփոխումներ` հիմնվելով կատարված բարեփոխումների ձեռքբերումների վրա և ընդլայնելով բարեփոխումների շրջանակը։

Ոստիկանության արտաբյուջետային միջոցների հաշվին  Գյումրի և Վանաձոր քաղաքներում ոստիկանության մեկական նոր հենակետեր կկառուցվեն:

Back to top button