Երեւանի Կարեն Դեմիրճյանի անվան մարզահամերգային համալիրում հոկտեմբերի 23-ին մեկնարկել է Միջազգային հարաբերությունների Մոսկվայի պետական ինստիտուտի շրջանավարտների 3-րդ Միջազգային համաժողովը։ Միջոցառման կազմակերպիչներն են Միջազգային հարաբերությունների Մոսկվայի պետական ինստիտուտի շրջանավարտների միությունը, Միջազգային հարաբերությունների Մոսկվայի պետական ինստիտուտի հայկական ակումբը եւ Միջազգային հարաբերությունների Մոսկվայի պետական ինստիտուտի զարգացման հիմնադրամը։
Համաժողովի կենտրոնական թեմաներից մեկը կդառնա Արեւելյան լեզուների Լազարյան ճեմարանի 200-ամյակը եւ արեւելյան ուսումնասիրությունների խնդիրները։
Հիշեցնենք, որ հոկտեմբերի 23-ի վաղ առավոտյան համաժողովի մասնակիցները այցելել են Ծիծեռնակաբերդ եւ հարգանքի տուրք մատուցել Հայոց ցեղասպանության զոհերի հիշատակին։
