լրացված 13.55-ին
Երևանում այսօր մեկնարկել է «ԱրմԹեք Կոնգրես-2015» Հայաստանի բարձր տեխնոլոգիաների գործարար 8-րդ համաժողովը: ԱրմԹեք-ն այս տարի նշանավորվում է վերազգային կազմակերպությունների բարձաստիճան ներկայությամբ: Համաժողովին մասնակցելու նպատակով Հայաստան է ժամանել «Մայքրոսոֆթ»-ի կորպորատիվ փոխնախագահ Վահե Թորոսյանը: Միջոցառմանը մասնակցել են բարձրաստիճան հյուրեր՝ վարչապետ Հովիկ Աբրահամյանը, էկոնոմիկայի նախարար Կարեն Ճշմարիտյանը, դեսպաններ: ՀՀ-ում ԵՄ պատվիրակության ղեկավար, դեսպան Պյոտր Անտոնի Սվիտալսկին հայտարարել է, որ 2016թ ԵՄ-ն սկսելու է օժանդակել Հայաստանի մասնավոր հատվածի զարգացմանը՝ տրամադրելով ավելի քան 23 մլն եվրո:
ՏՏ այն միակ ոլորտն է, որը զարգանում է՝ հաշվի չառնելով ճգնաժամերն ու փակ սահմանները: 2008-2014թթ ընթացքում ոլորտը գրանցել է շուրջ 20 տոկոս աճ: Աշնան երկրորդ ամիսը Հայաստանում տեղեկատվական է, այսօր Երևանում մեկնարկեց «ԱրմԹեք Կոնգրես-2015» Հայաստանի բարձր տեխնոլոգիաների գործարար 8-րդ համաժողովը: Այս տարի համաժողովի ընթացքում քննարկվելու են հետևյալ թեմաները` բարձր տեխոնոլգիաները Հայաստանում, վերջին զարգացումները և հաջողբած պատմություններ, Սթարթափ աքսելերացի և տարածաշրջանային զարգացում, կրթություն, հետազոտութուն և մասնագիտական զարգացում:
«ԱրմԹեք»-ից սկիզբ են առել մի շարք կարևոր նախագծեր,- տեղեկացնում են կազմակերպիչներն ու որպես հաջող ված նախագիծ հիշեցնում են Գյումրու տեխնոլոգիական կենտրոնի գաղափարն առաջացել է հենց համաժողովի ընթացքում:
«Հայաստանի գործարար միջավայրը բարենպաստ է ՝ օտարեկրյա ներդրումների կատարման համա»,- ասում է ՀՀ-ում ԵՄ պատվիրակության ղեկավար Պյոտր Սվիտալսկին ու նոր ֆինանսական միջոցների ներգրավման մասին հայտարարում՝ 2016թ Եվրամիությունը Հայաստանին ֆինասական նոր աջակցություն է ցուցաբերելու՝ տրամադրելով ավելի քան 23 մլն եվրո : Անդրադառնալով ՏՏ ոլորտին՝ ԵՄ դեսպանը հայտարարեց.«Ինձ համար շատ հաճելի է հատկապես այս իրադարձության ժամանակ ներկայացնել Եվրոպական միությունը, որովհետև ԵՄ-ն ցանկանում է մասնակցություն ունենալ Հայաստանի ավելի լավ ապագայի կերտմանը: Եվ ներդրումներ անելով բարձր տեխնոլոգիաների ոլորտում դա հենց Հայաստանի համար լավագույն ապագա ապահովելն է»:
ԵՄ դեսպանն ընդգծեց, որ սա Հայաստանի զարգացման հեռանկարի առումով լավագույն ոլորտն է` ունենալով շատ մարտահրավերներ, սակայն, լինելով շատ խոստումնալից:
Պյոտր Սվիտալսկու խոսքով, հաջողության հասնելու համար Հայաստանը երկու կարևորագույն պահանջներ պետք ապահովի: Առաջինը փայլուն գաղափարներ ունեցող երիտասարդների համար բարենպաստ մթնոլորտ ապահովելն է: «Նրանք այստեղ շատ-շատ են և նրանք պետք է հայրենիքը տեսնեն որպես այդ հնարավորության վայր»,- հավելեց ԵՄ պաշտոնյան:
Էկոնոմիայի նախարար Կարեն Ճշմարիտյանը նշեց, որ կառավարությունը Հայաստանը ապագայում տեսնում է որպես զարգացած ու գիտելիքահեն տնտեսություն և առաջատար նորարարական ու տենխոլոգիական տնտեսություն ունեցող երկիր.«որն առաջարկում է տեղական ու միջազգային շուկաներում մրցունակ արտադրանք»:
Այս տարի առաջին անգամ հոկտեմբերի 14-ին Արցախում հատուկ տեխնոլոգիաների զարգացմանը նվիրված նիստ կանցկավի, բացի այդ, կանցակվի նաև երկու զուգահեռ միջոցառում` նվիրված նորաստեղծ կազմակերպություններին և մաքուր տեխնոլոգիաներին: Իրենց ծրագրերը Վենչուրային ֆորումին կներկայացնեն 25 նորաստեղծ կազմակերպություններ:
