Դավթաշեն վարչական շրջանում այսօր կարելի է ասել եռատոն էր: Արցախյան ազատամարտի զոհերին նվիրված հուշակոթողի բացում, վարչական շրջանի և Ֆրանսիայի Անտոնի քաղաքների միջև բարեկամության հուշագրի վավերացում, Դավթաշենի հիմնադրման 75-ամյակ:
1939 թվականին, երբ Հայաստանը մեծ շուքով տոնում էր ազգային էպոսի1000-ամյակը, ընդամենը մեկ տարի առաջ հիմնադրված ու ապարանցիներով բնակեցված գյուղը հայկական էպոսի ամենասիրելի հերոսի ՝ Դավթի անունով կոչվեց Դավիթաշեն:
Դավիթաշենի տոնական միջոցառումներն այսօր կազմակերպվել էին խորհրդանշական վայրում՝ Հայրենական մեծ պատերազմի զոհերի հիշատակը հավերժացնող հուշակոթողի տարածքում, որտեղ բացվեց նաև Արցախյան ազատամարտի զոհերին նվիրված նոր հուշակոթող:
