2015 թ. կանխատեսվում է ապրանքների և ծառայությունների արտահանման աճ 7-9% միջակայքում, ապրանքների և ծառայությունների ներմուծման նվազում 4-6% սահմաններում, ֆիզիկական անձանց դրամական փոխանցումների կրճատում մինչև 30%. սրանք Կենտրոնական բանկի կանխատեսումներն են և տեղ են գտել գլխավոր դրամատան 2015թ. դրամավարկային քաղաքականության ծրագրում, որն այսօր քննարկվում էր խորհրդարանում:
Խորհրդարանն այսօր նաեւ քննարկել է ԿԲ 2014թ. դրամավարկային քաղաքականության ծրագրի կատարման հաշվետվությունը։ Երկու փաստաթղթերի առանցքում էլ նույն հարցն է՝ գնաճի միջավայրն ու գնաճային սպասումները: Գնաճի թեման բանավեճի առիթ է դարձել ԱԺ նիստերի դահլիճում, իսկ դրանից դուրս կրքերը թեժացել են խորհրդարանական դիվանագիտության արդյուքների շուրջ. ԵԽԽՎ հերթական նստաշրջանից հետո դրանք ամփոփել են հայկական պատվիրակության անդամները: «Լեռնային Ղարաբաղում և Ադրբեջանի մյուս գրավյալ տարածքներում բռնությունների աճ» վերնագրով Բրիտանացի պատվիրակ Ռոբերտ Ուոլթերի աղմկահարույց զեկույցը պատշաճ պատասխան է ստացել հայկական պատվիրակության կողմից, ասել է ԵԽԽՎ-ում հայկական պատվիրակության նախագահ Հերմինե Նաղդալյանը:
