Լուսինե Ավանեսյան
«Ռադիոլուր»- Ստեփանակերտ
Վաղր Լեռնային Ղարաբաղում տեղական ինքնակառավարման մարմինների ընտրությունններ են տեղի ունենալու: Դրանք նախատեսված են Արցախի 207 համայնքներում: Ոստիկանության տվյալների համաձայն՝ ՏԻՄ ընտրություններին մասնակցելու իրավունք ունի 94 241 ընտրող:
Այս ընտրություններն առանձնանում են թեկնածուների առատությամբ: Համայնքապետի 144 տեղին հավակնում են 240 թեկնածուներ, որոնցից 126-ը համայնքի գործող ղեկավարներն են: Քվեարկությունից մեկ օր առաջ ինքնաբացարկ է տվել գրանցված թեկնածուներից հինգը:
Ստեփանակերտի քաղաքապետի թեկանծուները երկուսն են՝գործող քաղաքապետ ինքնաառաջադրված Սուրեն Գրիգորյանը, ով Արցախի ժողովրդավարական կուսակցության անդամ է, և կոմունիստական կուսակցության կողմից առաջադրված բանաստեղծ Արիս Գրիգորյանը:
«Ռադիոլուրի» հետ զրույցում վերջինս չթաքցրեց, որ ընտրվելու դեպքում նախևառաջ սկսելու է քաղաքի կարիքներն ուսումնասիրել։
Գործող քաղաքապետ և թեկնածու Սուրեն Գրիգորյանն իրեն, բնականաբար, ավելի հաստատուն է զգում և չի թաքցնում որ այսօրվանց արդեն մտածում է այն առօրյա հարցերի մասին, որ պետք է լուծի վերընտրվելու դեպքում:
Նախընտրական ծրագրերի մասին: Արիս Գրիգորյանի նախընտրական ծրագրի դրույթները համահունչ են կոմկուսի ծրագրային դրույթներին:
Գործող քաղաքապետ Սուրեն Գրիգորյանը «Ռադիոլուրի» հետ զրույցում իր ծրագրերից առանձնացրել է Ստեփանակերտի գլխավոր հատակագծին առնչվող անելիքները, քաղաքի կենտրոնի կառուցապատման հարցը, նախադպրոցական հիմնարկների խնդիրը:
Հետաքրքիր պատկեր է ավագանու ընտրություններում: Ստեփանակերտի ավագանու 15 անդամի տեղին հավակնում է 51 թեկնածու։ Նրանք ավելի ակտիվ քարոզչություն էին տանում, քան՝ քաղաքապետի թեկնածուները: Ավագանու տիտղոսին հավանկնողների կեսից ավելի 35 տարեկան չկա:
Ստեփանակերտում չեն բացառում, որ վաղն ընտրվի աշխարհի ամենաերիտասարդ ավագանիին:
Ավագանու ընտրություն տեղի կունենա 200 համայնքներում :Ավագանու անդամների 1022 մանդատին հավակնում է 1236 թեկնածու:
