ԱՄՆ նախագահ Դոնալդ Թրամփը դժգոհություն է հայտնել Ուկրաինայում պատերազմում ստեղծված իրավիճակի վերաբերյալ։ «Ես գոհ չեմ այնտեղ կատարվողից»,-կիրակի, սեպտեմբերի 7-ին, Մերիլենդ նահանգի Էնդրյուս ռազմաօդային բազայում լրագրողներին ասել է Սպիտակ տան ղեկավարը:
«Ես հավատում եմ, որ մենք կլուծենք այն: Բայց ես գոհ չեմ նրանցից: Ես գոհ չեմ այս պատերազմի հետ կապված ամեն ինչից»:
Թրամփը նաև ասել է, որ շուտով հեռախոսազրույց կունենա Ռուսաստանի նախագահ Վլադիմիր Պուտինի հետ:
«Շատ շուտով: Առաջիկա մի քանի օրերի ընթացքում»,-CNN-ը մեջբերում է նրա խոսքերը:
Թրամփը Պուտինի հետ խոսելու իր ծրագրերի մասին հայտարարել էր երկու օր առաջ՝ սեպտեմբերի 5-ին:
«Այո, կհանդիպեմ: Մենք շատ լավ երկխոսություն ենք ունեցել»,-ասել է նա Սպիտակ տանը կայացած ճեպազրույցի ժամանակ:
Ավելի վաղ՝ կիրակի, սեպտեմբերի 7-ին, ամերիկացի առաջնորդը հայտարարել էր, որ պատրաստ է խստացնել Ռուսաստանի դեմ պատժամիջոցները: ԱՄՆ ֆինանսների նախարար Սքոթ Բեսենթը, իր հերթին, ենթադրել է, որ Միացյալ Նահանգների և Եվրոպայի կողմից լրացուցիչ տնտեսական ճնշումը կարող է Ռուսաստանի նախագահ Վլադիմիր Պուտինին դրդել խաղաղության բանակցություններ սկսել Ուկրաինայի հետ։
