Ստամբուլի նահանգապետարանը հայտնել է, որ 6,2 մագնիտուդ ուժգնությամբ երկրաշարժի հետևանքով տուժել է 151 մարդ, զոհեր չկան։
«Բարձր հարկերից խուճապահար 151 մարդ ցատկել է ցած։ Նրանց կյանքին վտանգ չի սպառնում, բուժումը շարունակում են հիվանդանոցներում։ Զոհեր չկան։ Քաղաքում ընդհանուր առմամբ բնակելի շենքեր չեն վնասվել։ Ֆաթիհ թաղամասում լքված շենք է փլուզվել, սակայն զոհեր և վիրավորներ չկան»,– Հաբերթյուրք հեռուստաալիքը մեջբերել է նահանգային իշխանությունների խոսքերը։
Նահանգապետը զեկուցել է նաեւ, որ երկրաշարժից հետո «չեն գրանցվել բացասական հետեւանքներ, որոնք կարող էին ազդել էներգամատակարարման, գազի ենթակառուցվածքների, ջրամատակարարման եւ կոյուղու վրա»։
