Բռնապետ Ալիևի շարունակական բռնությունները և՛ Լեռնային Ղարաբաղի, և՛ Հայաստանի նկատմամբ պահանջում են ամբողջական դատապարտում ամենախիստ ձևով, երեքշաբթի օրը խորհրդարանում ասել է Եվրախորհրդարանի անդամ Պետեր վան Դալենը (Նիդեռլանդներ):
«Ես վրդովված եմ Ադրբեջանի կողմից Լաչինի միջանցքի շրջափակումից. և մի մոռացեք՝ Ալիևը մի քանի ամիս է զորքեր ունի Հայաստանի սահմաններում. վերջերս ես ինքս ականատես եղա նրանց գնդակոծությունների ավերածություններին հարավային Գորիս քաղաքի մոտ»,- ասել է պատգամավորը Ադրբեջանի հետ ԵՄ հարաբերությունների վերաբերյալ զեկույցի քննարկումների ժամանակ:
Նա նշել է, որ զեկույցը չի անդրադառնում Հանձնաժողովի նախագահ Ֆոն դեր Լեյենի՝ նախագահ Ալիևի հետ գազային գործարքի դատապարտելի գործարքին:
«Այդ մի քանի միլիարդ խորանարդ մետր գազը հասանելի կլիներ այլ տեղից: Եվ ամենակարևորը. Ալիևն այժմ իրեն զգում է ԵՄ աջակցությունը իր ագրեսիվ քաղաքականությանը։ Գազի գործարքը աշխարհաքաղաքական սխալ է, և դրանից պետք է հրաժարվել»,- հայտարարել է նա։
