Լաչինի միջանցքի՝ մեկ ամսից ավելի շարունակվող շրջափակումից հետո Ադրբեջանը ստիպում է հայերին լքել իրենց հինավուրց հայրենիքը, սակայն արցախցիները չեն լքելու իրենց հայրենիքը, որքան էլ դժվար լինի, գրել է Արցախի պետական նախարար Ռուբեն Վարդանյանը «Թվիթերի»-ի իր միկրոբլոգում:
«Մենք չենք լքի մեր հայրենիքը, որքան էլ դժվար լինի իրավիճակը։ Ամեն օր մենք դժվար, բայց անհրաժեշտ ընտրություն ենք կատարում՝ մնալու և պաշտպանելու մեր հողը»,-շեշտել է Վարդանյանը:
Պետնախարարը հավելել է, որ դա միակ ճանապարհն է, որով կարելի է կանխել Արցախը կորցնելու գործընթացը և երաշխավորել հայոց աշխարհի պահպանումը։
We won't leave our homeland, no matter how difficult the situation is.Every day we make difficult but necessary choice to stay&protect our land.This is the only way we can prevent the process of losing Artsakh&guarantee the preservation of the Armenian world 4 future generations.
— Ruben Vardanyan (@RubenVardanyan_) January 13, 2023
