Եվս 13 հայ ռազմագերի Ադրբեջանում դատապարտվել է 6 տարվա ազատազրկման։ Դատարանը նաև վճռել է, որ պատիժը կրեկլուց անմիջապես հետո նրանք կարտաքսվեն երկրից։
Դատախազը խնդրել էր մեղադրական եզրակացությունից հանել 214.2.1, 214.2.3 հոդվածները (ահաբեկչական գործողություն, որը կատարվել է մի խումբ անձանց, կազմակերպված խմբի կամ հանցավոր միության (հանցավոր կազմակերպություն) կողմից ՝ հրազենի և որպես զենք օգտագործվող առարկաների կիրառմամբ), և 279.2 հոդվածը (հարձակում ձեռնարկությունների, հիմնարկների, կազմակերպությունների կամ ֆիզիկական անձանց վրա՝ զինված կազմավորումների կամ օրենքով չնախատեսված խմբերի կազմում):
Նա կոչ էր արել նրանց մեղավոր ճանաչել 318.2 (Ադրբեջանի պետական սահմանի ապօրինի հատում մի խումբ անձանց կողմից) և 228.3 (զենքի, զինամթերքի, պայթուցիկ նյութերի ապօրինի ձեռքբերում, փոխանցում, վաճառք, պահեստավորում, տեղափոխում կազմակերպված խմբի կողմից) հոդվածներով և նրանցից յուրաքանչյուրին նշանակել պատիժ ՝ ազատազրկման տեսքով, յոթ տարի ժամկետով, իսկ ժամկետը լրանալուն պես արտահանձնել։
Մարդու իրավունքների պաշտպան Արման Թաթոյանը բազմիցս նշել է, որ հայ գերիների նկատմամբ դատավարությունները ամբողջովին անհիմն են և արհեստական: Պաշտպանը շեշտել է, որ այդ ազատազրկումները միջազգային իրավունքով արգելված պատիժ են։
Ըստ Թաթոյանի՝ ակնհայտ է, որ այս «դատավարությունները» արտաքին աշխարհի համար նախատեսված շղարշ են, գերիներին ազատ չարձակելու «արդարացում»։
