ՀՀ վարչապետը և նախագահը հայտարարել են իրենց հանձնառությունը՝ Լեռնային Ղարաբաղի վերաբերյալ եռակողմ հայտարարության իրագործմանը, այսօր հայտարարել է Ռուսաստանի արտգործնախարար Սերգեյ Լավրովը:
«Հանդիպել ենք Հայաստանի վարչապետի և նախագահի հետ։ Եվ վարչապետը, և նախագահը շեշտեցին, որ այս հայտարարությունը նպաստել է լուրջ խնդիրների լուծմանը, կյանքեր փրկելու գործին: Նրանք լիովին հավատարիմ են ապագայում այս համաձայնագրի կատարմանը», — ասել է Լավրովը՝ «Զվարթնոց» օդանավակայանում ամփոփելով բանակցությունների արդյունքները։
