Ըստ նախաքննությամբ այս պահին ձեռք բերված ապացույցների՝ խումբը ձվավորվել է կոնկրետ հանցավոր նպատակների համար, ունեցել է գործողությունների պլան ու մշակված եղանակներ այդ պլանն իրագործելու համար:
«Ինչը տեսաք էկրաններին ու կարդացիք մեր հաղորդագրություններում, ամբողջությամնբ իրական են: Մեր գործողությունները կապված չեն քաղաքական գործընթացների հետ: Բացահայտվել է խումբ, որը ունեցել է հստակ ծրագրավորված նպատակներ, մշակված եղանակներ ու ընտրված թիրախներ»:
Նախաքննության գաղտնիությունը պահպանելու պարտադրանքով ԱԱԾ պաշտոնյան չի մանրամասնել, թե ովքեր են եղել թիրախները: Նշել է, որ հանցավոր խումբը սպանություններ ու հարձակումներ էր նախատեսում պետական քաղաքական գործիչների, իշխանության առանձին ճյուղերի ու մարմինների նկատամամբ:
Ընդ որում, ըստ Համաբարձումյանի, խումբը վնասազերծվել է պլանավորած գործողությունները կատարելուց օրեր առաջ , ինչը նշանակում է, որ հանցագործությունները պլանավորվում էին հենց առաջիկա օրերին:
Նշվել է, որ խումբը տասնյակ հազարավոր դոլարաների ֆինանսավորում է ստացել: Որտեղից հարցին՝ ԱԱԾ պաշըտանյան պատասխանել է, որ գումարները խմբի անդամներին տրվել են ՀՀ տարածքում, իսկ ծագման աղբյուրը դեռ պետք է պարզվի:
Նույն կերպ դեռ հստակ չէ այն հարցի պատասխանը, թե խումբն ինչպես է այդքան զենք ձեռք բերել: Դա պարզելու համար մանրամասն քննություն է կատարվելու՝ ասել է Միքայել Համաբարձումյանը:
Նախաքննական մարմինը քաղաքական ուժերի հետ կապ այս պահին չի տեսնում:
Այս պահին ձերբակալված է խմբի 21 անդամ: ԱԱԾ քննչական վարչությունում հարուցվել է քրեական գործ Քրեական օրենսգրքի 223-րդ հոդվածի 1-ի և 2-րդ մասերով և 235–րդ հոդվածի 3-րդ մասով:
