Կալիֆոռնիայի նահանգապետ Գևին Նյուսոմը ստորագրել է օրինագիծ, որով ապրիլի 24-ը նահանգում ոչ աշխատանքային օր է սահմանվել: Օրինագիծը ներկայացրել էր Նահանգային ժողովի անդամ Ադրին Նազարյանը:
Օրինագծով պահանջում է, որ ամեն տարի ապրիլի 24-ին Կալիֆոռնիայի բոլոր համայնքային քոլեջներն ու պետական դպրոցները փակվեն: Պետական ծառայողներին կտրամադրվի վարձատրվող արձակուրդ:
Նշվում է, որ ապրիլի 24-ը բոլորի համար կլինի անցյալ և ներկա ցեղասպանություններին անդրադառնալու օր, բայց հատկապես նրանց համար, ովքեր զգացել են այս վայրագությունների ազդեցությունը, ովքեր ապաստան են գտել Կալիֆոռնիայում։
Օրինագիծն ավելի վաղ արժանացել էր Կալիֆոռնիայի նահանգային ժողովի և Սենատի հավանությանը:
