Մեդիա նախաձեռնությունների կենտրոնը լրագրողական այց էր կազմակերպել Տավուշի, Սյունիքի ու Լոռու մարզեր, որտեղ կիրակի օրն անցակցվեցին խոշորացված համայնքների ղեկավարների ու ավագանիների ընտրություններ: ԿԸՀ տվյլաներով՝ Դիլիջանի ղեկավար է վերընտրվել ՀՀԿ-ական, Դիլիջանի ղեկավար Արմեն Սանթրոսյանը` 6 հազար 797 ձայնով, նախկին քաղաքապետ, անկուսակցական Ժորա Սահաբալյանն ստացել է 4 հազար ձայն։ Թե ինչ կտա խոշորացումն այս համայնքներին, դեռ վաղ է մտածել անգամ, Արմեն Սանթրոսյանը հարցերին խոստացել է պատասխանել մեկ տարի անց:
Փետրվարի 14-ին Հայաստանի երեք մարզերում՝ Տավուշում, Սյունքիում և Լոռիում բազմաբնակավայր համայնքներում իրենց ղեկավարին ընտրեցին: Մինչ ընտրությունները մայիսի 17-ին տեղական հանրաքվե անցկացվեց, որտեղ խոշորացվող համայնքների բնակիչների կարծիքն էին հայտնում՝ միանա՞լ , թե ոչ: Դիլիջան քաղաքային համայնքին միացավ վեց ՝ Հաղարծին, Հովք, Թեղուտ, Աղավնավանք, Գոշ, Խաչարձան գյուղերն և Դիլիջան քաղաքը: Յոթ համայնքից չորսը կողմ էր խոշորացմանը: Քաղաքապետի աթոռի համար պայքարում էին նախկին ու ներկա քաղաքապետերը՝ Ժորա Սահրաբյանն ու Արմեն Սանթրոսյանը՝ ՀՀԿ-ից: Վերջինս ընտրողներին ներկայացավ նախընտրական ծրագրով, և մյուսը՝ առանց ծրագրի:
Ժորա Սահաբարյանը նախկին ՀՀԿ-ական, ու նախկին ԲՀԿ –ական է, վստահեցնում է ՝ եթե ժողովրդի շահը պահանջի, կրկին ՀՀԿ-ական կդառնա: Նախկինում քաղաքապետի պաշտոնը զբաղեցրած Սահաբալյանը դժգոհ է հատկապես Դիլիջանի բյուջեի անարդյունավետ կառավարումից:
Արդեն չորրորդ անգամ քաղաքապետի աթոռի համար պայքարող ներկայիս քաղաքապետ Արմեն Սանթրոսյանը շանսերը ռեալ է գնահատում, թվարկում է բոլոր այն ծախսերը, որոնք բյուջեի միջոցներով են կատարվում՝ վերելակների էլեկտրաէներգիայի վարձն են վճարում, գրենական պիտույքներով են ապահովում առաջին դասարանցիներին, գոմար են հատկացնում յուրաքանչյուր նոր ծնված երեխայի ընտանիքին:
Դիլիջանի ներկայիս բյուջեն կազմում է 479 մլն դրամ: Սանթրոսյանը նաև վստահեցնում է, որ նախընտրական այս շրջանում ընդհանուր պատկերացում կազմել է, թե որոնք են լինելու առաջին ու հիմնական քայլերը:
Բազմաբնակավայր համայնքներից ամենամեծ գյուղը Հաղարծինն է, որի բնակիչները մայիսի 17-ին դեմ էին արտահայտվել խոշորացմանը: Շուրջ տասը ամիս անց էլ նրանց կարծիքը չի փոխվել, ընտրություններին, սակայն, ակտիվ մասնակցություն ցուցաբերեցին:
Դիլիջանում ավագանու 15 տեղի համար 22 թեկնածու առաջադրվել էր միայն Դիլիջան քաղաքից: Միացած ոչ բոլոր գյուղերից էին ավագանու թեկնածու առաջադրվել, կամ էլ օրինակ, ինչպես Թեղուտի դեպքում է, չորս թեկնածու էր առաջադրվել: Գյուղապետի լիազորությունները դադարեցրած Արարատ Թամրազյանը կարծում է, որ ավելի տրամաբանական կլիներ, եթե ավագանու մեկ թեկնածու ունենային: Իր թեկնածությունը չի դրել, պարզապես չի ցանկացել։
Դեռ ձայների նախնական հաշվարկի ժամանակ արդեն ակնհայտ էր, որ առաջատարը Դիլիջանի գործող քաղաքապետ, ՀՀԿ-ից առաջադրված Արմեն Սանթրոսյանն է, ով բազմաբնակավայր համայնքի ղեկավար դարձավ ` 6 հազար 797 ձայնով, անկուսակցական Ժորա Սահաբալյանին ընտրել է 4 հազար 353 քաղաքացի:
