Թուրքիայի արտաքին գործերի նախարար Հաքան Ֆիդանը Թուրքիայի Ազգային Մեծ ժողովում բյուջեի քննարկումների ժամանակ անդրադարձել է Հայաստանի ու Ադրբեջանի միջև խաղաղության հաստատման գործընթացին, հայտնում է Ermenihaber-ը։
«Մեր երկրի համար ծայրահեղ կարևորություն ներկայացնող Հարավային Կովկասի տարածաշրջանում խաղաղության հույսի շող կա։ Ադրբեջանի և Հայաստանի միջև խաղաղության հաստատմանը մոտ կետի ենք հասել: Խաղաղության հաստատումը նոր հնարավորություններ կբացի, որոնք կնպաստեն տարածաշրջանի զարգացմանը»,- ասել է նա:
