Հանրապետության բոլոր բնակավայրերը պետք է տրանսպորտ ունենան: Սա վարչապետ Կարեն Կարապետյանի հանձնարարական էր մի քանի ամիս առաջ:
Տրանսպորտի, կապի ու ՏՏ նախարարությունը ուսումնասիրել ու որոշել է պիլոտային ծրագիր սկսել Արմավիրի մարզից: Միասնական երթուղային ցանց ունենալու օրենսդրական հիմքերն են նախապատրաստվում: Դրանք այսօր կառավարության նիստում են հաստատվել:
Տրանսպորտի, կապի ու ՏՏ նախարարությունը նախատեսում է ցանցը ներդնել առաջիկա տարիներին: Վարչապետը, սակայն, կարծում է, որ հաջորդ տարվա առաջին եռամսյակում ամբողջ ցանցը պետք է պատրաստ լինի:
Արդեն կառավարության նիստից հետո տրանսպորտի, կապի ու ՏՏ նախարար Վահան Մարտիրոսյանը «Ռադիոլուրին» է փոխանցել թե’ պիլոտային ծրագրի, թե’ միասնական երթուղային ցանց ունենալու տեսլականը:
Ստեղծել միասնական երթուղային ցանց. տրանսպորտի, կապի ու ՏՏ նախարարության հերթական նախաձեռնությունն է: Մինչ այդ, դեռ օրենսդրական կարգավորումներն են տրվում: Վարչապետ Կարեն Կարապետյան.
«Միասնական ցանցի ներդրման նախապատրաստական բոլոր աշխատանքները կավարտվեն հնարավորինս սեղմ ժամկետում»:
Վարչապետի դիրքորոշումը հստակ է. կառավարության նիստում տրանսպորտի, կապի ու ՏՏ նախարար Վահան Մարտիրոսյանին նա փոխանցեց:
Միասնական օպերատոր ունենալու համար նախ և առաջ պետք է հայտնի գծատերերից ազատվել: Ինչպես են նախարարությունում պատկերացնում խնդրի լուծումը՝ հարցնում եմ տրանսպորտի, կապի ու ՏՏ նախարար Վահան Մարտիրոսյանին:
Նույն կազմակերպությունները կարող են նաև իրենք մասնակցել մրցույթին՝ասում է նախարարը: Միասնական երթուղային ցանց կստեղծվի, սակայն պիլոտային ծրագրի հաջողությունը տեսնելուց հետո միայն: Այն կսկսվի Արմավիրի մարզից: Տրանսպորտի, կապի ու ՏՏ նախարար Վահան Մարտիրոսյանը ծրագրից որոշ մանրամասներ փոխանցեց «Ռադիոլուրին»:
Նախարարը նաև ռիսկերն է մատնանշում, մտահոգություններ հայտնում։ Գուցե տնտեսվարողը չսպասարկի ու ռիսկը ավելի մեծանա։ Այսօր մի ուղղություն չսպասարկելի ավելի պակաս ռիսկ ունի, քան՝ ասենք մի ամբողջ մարզինը՝ ասում է զրուցակցիս: Նաև հստակեցնում է, թե ինչ չափորոշիչներ են ներկայացնում հավանական ներդրողին:
Մարզն ընտրել են, ներդրողին փնտրում են:
«Արհեստական մոնոպոլիա չենք ստեղծում, սակայն, եթե բնական մենաշնորհ ձևավորվի, դեմ չենք լինի»,- ասում է նախարարն ու արդեն որպես ոչ թե պաշտոնյա, այլ քաղաքացի ներկայանում:
Վատ աշխատող տնտեսավարողներին այս պահին նախարարությունը միայն տուգանում է։ Այլ լծակներ չունենք՝ ասում է տրանսպորտի, կապի ու ՏՏ նախարար Վահան Մարտիրոսյանն ու խոստովանում՝ միշտ չէ, որ տուգանքը լավ արդյունք է տալիս: Քայլերի հերթականությունն է բացատրում՝ հաջորդ քայլն արդեն պետք է լինի վատ աշխատող տնտեսվարողին լիցենզիայից զրկելը:
