Սեպտեմբերի 21-ին լրանում ՀՀ անկախության 24-րդ տարին: Ընդդեմ իրավական կամայականության Հ/Կ գործադիր տնօրեն, ՀՀ առաջին օմբուդսմեն Լարիսա Ալավերդյանի համար անկախության օրը պատմական նշանակություն ունեցող, միաժամանակ պայքարի օր է: Սեպտեմբերի 21-ին նաև իր ծննդյան օրը նշող Ալավերդյանն այսօր պատմական որոշ փաստագրումներ է ներկայացրել:
Հայաստանը Խորհրդային միության երկրներից միակն էր, որը կատարել է միջազգային ու ներպետական օրենքի բոլոր նորմերը՝ անկախության հանրաքվեից առնվազն վեց ամիս առաջ հայտարարելով,որ հանրաքվե է անցակցնելու: 1990թ մարտին արդեն հայտնի էր, որ Հայաստանը չի մասնակցելու «Խորհրդային միության մեջ մնալու կամ նրա կազմից դուրս գալու» հանրաքվեին: Պատմական փաստերը նախ հիշում , հետո նաև ընդգծում է «Ընդդեմ իրավական կամայականության» Հ/Կ գործադիր տնօրեն, ՀՀ առաջին օմբուդսմեն Լարիսա Ալավերդյանը:
«Սեպտեմբերի 21-ի հանրաքվեն միայն շարունակությունն է եղել: Ընդորում նշեմ, որ հանրաքվե ենք անցկացրել ճիշտ այն ժամանակահատվածում, երբ որ Սովետական Միությունը գոյություն ուներ:
Հիշեցումը պատահական չէ, Լարիսա Ալավերդյանը նշում է, որ շատ երկրներ, այդ թվում նաև Ադրբեջանը հանրաքվե է անցակցրել, երբ հայտարարվել էր, որ Խոհրդային Միությունը գոյություն չունի: Հենց սա է պատճառը, որ շատ երկրներ, այդ թվում նաև Ադրբեջանը մոռացության եմ մատնել պատմական այս փաստը:
Ալավերդյանը հիշեցնում է նաև, որ 1990թ Գերագույն Խորհրդի ընտրությունները կայացել են Հայաստան Արցախ միասնական տարածքում, մինչդեռ անկախության հանրաքվեն, անցկացվել է միայն Սովետական Հայաստանի սահմաններում: Հակադարձելով բորո հրապարակումներին, ՀՀ առաջին օմբուդսմենը նժում է, որ Արցախը հայտարարել է Ադրբեջանի կազմից դուրս գալու մասին և ոչ թե Խորհրդային Միության:
Սեպտեմբերի 21-ին նաև իր ծննդյան օրը նշող Լարիսա Ալավերդյանի համար անկախության օրը յուրատեսակ հաշվետվության օր է:
«Մենք կանք, եղել ենք ու պետք է լինենք: Բայց որ գնալով ավելի ու ավելի պարզ է դառնում, որ առանց հստակ մեր դիրքորոշման , քաղաքացու դիրքորոշման, մենք չենք կարողանալու ունենանք իրավական պետություն, դա պետք է պարզ լինի: Դրա համար էլ ինձ համար անկախության օրը իրավական, սոցիալական, ժողովրդավարական պետութան կայացման ու կառուցման ճանապարհի վրա օրերից մեկն է, երբ որ մենք պետք է վեր հիշենք մեր առջև ծառացած խնդիրները, և հնարավորինս լուծենք դրանք»:
