Լուսինե Վասիլյան
«Ռադիոլուր»
«Ժառանգություն» կուսակցության անդամ Անահիտ Բախշյանը կածում է, որ Րաֆֆի Հովհաննիսյանի հացադուլի որոշումը մեկնաբանության կարիք չունի. այն ըստ Բաշխյանի հուսահատ քայլ չէ, թեև որպես որոշում հանկարծակիի է բերել նաև իրեն: Հանրապետական Սուքիաս Ավետիսյանի հայացքով ՝ «Ժառանգության» առաջնորդի որոշումը ծայրահեղ քայլ է, նաև՝ Սահմանադրական դատարանի որոշման վրա ազդելու փորձ: Րաֆֆի Հովհհաննիսյանի հացադուիլի թեման քննարկվել է նաև մեկ այլ բանավեճի ընթացքում, ՍԴՀԿ ներկայացուցիչ Գուրգեն Եղիազարյանի ու հանրապետական Լեռնիկ Ալեքսանյանի մասնակցությամբ:
Հանրապետական Սուքիաս Ավետիսյանը կարծում է, որ Րաֆֆի Հովհաննիսյանն առնվազն պետք է սպասեր ՍԴ որոշմանը, ցանկալի վճիռը չունենալուց հետո միայն դիմեր այս քայլին. հացադուլն, ըստ հանրապետական գործչի, ծայրահեղ ու հուսահատ քայլ է:
«Եթե գործը Սահմանադրական դատարանում է, ապա նա առնվազն պետք է սպասեր դատարանի վճռին: Հակառակ դեպքում ՝ սա դատարանի վրա ճնշում գործադրելու փորձ է»:
Դիտարկմանը, թե սա ՍԴ-ի որոշման վրա ազդելու փորձ է, համաձայն չէր «Ժառանգությունից» Անահիտ Բախշյանը: Նա մեծ ակնկալիքներ չունի արդարադատության վերին ատյանից, չնայած իրավաբաններն ըստ Բախշյանի լուրջ փաստաթղթեր են պատրաստել: Ինչ վերաբերում է հացադուլի որոշմանը, ապա Անահիտ Բախշյանը այն մեկնաբանել չի ցանկանում, բայց խոստովանում է, որ որոշումն իրեն էլ է հանկարծակիի բերել:
«Ես անձամբ երբ երեկ լսեցի այդ որոշման մասին, նոկաուտի մեջ ընկա: Ես հասկանում եմ, որ այդ մարդը`Րաֆֆին, նաև ինձ համար է իր կյանքը դնում վտանգի տակ»: «Ժառանգության» ներկայացուցիչը չի կարծում, թե Րաֆֆի Հովհաննիսյանի հացադուլի որոշումը կմիավորի ընդդիմադիր ուժերին: «Եթե միավորում լիներ, վաղուց կլիներ, ես չեմ հավատում, որ Րաֆֆու այս քայլը կարող է միավորել բոլորին և, անկեղծ ասած, այդ միավորման մեջ էլ մարդիկ կան, որոնց չեմ ցանկանում տեսնել»: Երևանի ավագանու ընտրություններին միայնակ մասնակցելու որոշմանը և իր առանցքի շուրջ համախմբվելու «Բարգավաճ Հայաստան»-ի կոչին նույնպես Անահիտ Բախշյանը մեկնաբանություն չունի կամ խիստ հակիրճ մեկնաբանություն ունի՝ վատ եմ վերաբերվում: Ի դեպ, բանավեճի ընթացքում Սուքիաս Ավետիսյնաը, պատասխանելով հարցին, թե ինչ քայլ կարող է իր կողմից նախաձեռնել իշխանությունը ստեղծված իրավիճակում, չբացառեց բանակցությունները:
«Կարող է Ազատության հրապարակում հանդիպում չունենան, կարող է հրավիրեն Րաֆֆի Հովհաննիսյանին իր առաջարկած խնդիրները քննարկելու»:
Րաֆֆի Հովհաննիսյանի հացադուլի թեման քնննարկվեց նաև մեկ այլ բանավեճի ընթացքում, որի մանակիցներն արդեն ՍԴՀԿ ներկայացուցիչ Գուրգեն Եղիազարյանն ու հանրապետական Լեռնիկ Ալեքսանյանն էին: Հայ ազգային կոնգրես դաշինքին մաս կազմող քաղաքական ուժի ներկայացուցիչը ողջումում է Րաֆֆի Հովհաննիսյանի հացադուլը միայն այնքանով, որ այս անգամ, ի տարբերություն առաջինի, հայտնի են պահանջները:
«Ողջունում եմ, որ այս անգամ Րաֆֆի Հովհաննիսյանը նստել է հացադուլի, և գիտենք, թե ինչի համար է նստել: Նախորդ անգամ ոչ ոք չգիտեր»:
Մնացած առումներով ընդդիմադիր գործիչը «Ժառանգության» առաջնորդի հետ ակնակլիքներ չի կապում: Փոխարենը ակնակլիքներ կարծես թե ուներ հանրապետական կուսակացության ներկայացուցիչը: Լեռնիկ Ալեքսանյանի խոսքով՝ ցանկացած իշխանությանն անհրաժեշտ է առողջ ընդդիմությունը:
Րաֆֆի Հովհաննիսյանն, ըստ նրա, ի հակառակ շատերի նաև իր սպասումների, ավելի շատ ձայն հավաքեց, քան սպավում էր՝ կարողանալով իր հետևից տանել ընդդիմադիր ընտրազանգվածը: Հանրապետական գործիչն ասաց նաև, թե չի ցանկանում, որ «Ժառանգության» առաջնորդը հերթական անգամ հիասթափեցնի հասարակությանը: