Ադրբեջան — Հայաստանի Հանրային Ռադիո https://hy.armradio.am Պաշտոնական կայք Thu, 18 Oct 2012 08:03:05 +0000 hy-AM hourly 1 https://wordpress.org/?v=6.9.4 https://hy.armradio.am/wp-content/uploads/2026/05/cropped-favicon-32x32.png Ադրբեջան — Հայաստանի Հանրային Ռադիո https://hy.armradio.am 32 32 Ադամ Շիֆն ԱՄՆ իշխանություններին առաջարկում է դադարեցնել ռազմական օգնության տրամադրումը Ադրբեջանին https://hy.armradio.am/archives/6359 https://hy.armradio.am/archives/6359#respond Thu, 18 Oct 2012 08:03:05 +0000 http://www.armradio.am/hy/?p=6359 Հայամետ կոնգրեսական Ադամ Շիֆն ԱՄՆ իշխանություններին առաջարկում է դադարեցնել ռազմական օգնության տրամադրումը Ադրբեջանին և դրանով ցույց տալ, որ Սաֆարովի ներումն անընդունելի էր, միաժամանակ հիշեցնելով, որ Հայաստանի կամ Արցախի դեմ որևէ ագրեսիա ընդունելի չէ ԱՄՆ-ի կողմից։ Այս առաջարկը նա արել է Asbarez.com-ում Արցախի մասին հրապարակած հոդվածում: Մանրամասն հիշեցնելով հայ-ադրբեջանական հակամարտության պատմությունը Շիֆը ուշադրություն է հրավիրել այն փաստի վրա, որ պատերազմի տարիներն ու տնտեսական շրջափակումը խոչընդոտում են Լեռնային Ղարաբաղի զարգացմանը, և ԱՄՆ իշխանությունը պետք է մեծացնի Արցախին տրամադրվող օգնության չափը։
«Արցախի ժողովուրդը չպետք է հայտնվի Ալիևի ձեռքում։ Մարդասպան Սաֆարովի վերադարձը տոնելով՝ նա և իր ժողովուրդը ցույց տվեցին իրենց իրական էությունը և համոզիչ փաստ տվեցին Արցախի անկախության ճանաչման համար»,-եզրափակել է Շիֆը։

]]> https://hy.armradio.am/archives/6359/feed 0 Դադարեցնել սպառազինությունների վաճառքը Ադրբեջանին.կոնգրեսականի կոչը՝ ԱՄՆ պետքարտուղարին https://hy.armradio.am/archives/4148 https://hy.armradio.am/archives/4148#respond Fri, 28 Sep 2012 06:18:14 +0000 http://www.armradio.am/hy/?p=4148 ԱՄՆ-ի Կոնգրեսի Արտաքին հարցերով հանձնաժողովի անդամ, Ժողովրդավարական կուսակցության անդամ Հերման Լ. Բերմանը նամակով դիմել է ԱՄՆ-ի պետքարտուղար Հիլարի Քլինթոնին՝ կոչ անելով դադարեցնել Ադրբեջանի մասնակցությունը ՆԱՏՕ-ի Գործընկերություն հանուն խաղաղության (ԳՀԽ) ծրագրին և դադարեցնել սպառազինությունների վաճառքը այդ երկրին, այս մասին հայտնում է Asbarez.com կայքը: Բերմանի նամակը կապված է 2004թ. Հունգարիայում հայ սպա Գուրգեն Մարգարյանին կացնահարելով սպանած ադրբեջանցի սպա Ռամիլ Սաֆարովին Ադրբեջանի իշխանությունների կողմից ներում շնորհելու և հերոսացնելու գործընթացի հետ:

Կոնգրեսական Բերմանն իր նամակում նշում է, որ Սաֆարովին ներում շնորհելը «հիրավի սարսափեցնող էր», որ Ալիևի քայլը «ծաղր է արդարադատությանը և արհամարհանք է դրսևորում ՆԱՏՕ-ի ու դրա անդամների հանդեպ, ինչպես նաև՝ ՆԱՏՕ-ի Գործընկերություն հանուն խաղաղության ծրագրի և դրան մասնակից բոլոր պետությունների»:
Կոնգրեսականը նշում է, որ չնայած Ալիևի քայլի առնչությամբ Պետքարտուղարության հնչեցրած խիստ քննադատությանը, այնուամենայնիվ, հարկավոր է ավելին անել:

«Հետևաբար, հաշվի առնելով այն փաստը, որ այդ՝ ոչ սադրանքի արդյունք հանդիսացող և սարսափելի սպանությունը տեղի է ունեցել ԳՀԽ-ի ծրագրի ժամանակ՝ ես Ձեզ հորդորում եմ ՆԱՏՕ-ի բոլոր անդամների հետ համատեղ բողոք հայտնել նախագահ Ալիևին: Երկրորդ՝ ես հորդորում եմ ՆԱՏՕ-ի երկրներին դադարեցնել Ադրբեջանի մասնակցությունը ԳՀԽ միջոցառումներին մինչև Ալիևը չեղարկի ներումն ու պաշտոնի բարձրացումը և չվերաբանտարկի մարդասպանին կամ վերադարձնի Հունգարիա՝ իր պատժի մնացած մասը կրելու»,- ԱՄՆ պետքարտուղարին ուղղված նամակում գրում է կոնգրեսականը:

«Նախագահ Ալիևի քայլը անողոք անարգանք է հայի կյանքի հանդեպ»,– ընդգծում է կոնգրեսական Բերմանը:

]]> https://hy.armradio.am/archives/4148/feed 0