2014 թվականի համեմատ այս տարի արձանագրվել է բանջարեղենի 9% գնաճ: Ի տարբերություն բանջարեղենի, ըստ նրա, այս տարի էժանացել է միրգը: «Միրգը համեմատած էժան է այս տարի, անցած տարվա համեմատ միրգը 11%-ով էժանացել է»: Տվյալներն այսօր՝ լրագրողների հետ հանդիպման ժամանակ ներկայացրել է «Սպառողների խորհրդատվության կենտրոն» ՀԿ նախագահ Կարեն Չիլինգարյանը: Անդրադառնալով կարտոֆիլի գներին, սպառողների իրավունքների պաշտպանը նշել է, որ կարտոֆիլի գինը վերջին օրերին կտրուկ բարձրացել է՝ 150 դրամից հասներլով 300 դրամի: Չիլինգարյանը կարծում է, որ գների թռիքչը ժամանակավոր է, քանի որ, ըստ գյուղատնտեսության նախարարության, կատրոֆիլի լավ բերք է սպասվում: Մինչ վիճակագիրները դիտարկումներ են անցկացնում, գների բարձրացումն առաջինը շարքային սպառողի գրպանին է հարվածում: Ի դեպ, Գյուղատնտեսության նախարարության հաղորդագրության համաձայն, ՀՀ գյուղատնտեսության նախարարն այցելել է Արարատի մարզի կարկտահարված դաշտեր: Ոլորտի պատասխանատուն խոստացել է՝ կատրահարությունից տուծաշ գյուղացիների վարկերի հետաձգման հարցը կքննարկվի կառավարությունում և անհատական մոտեցում կցուցաբերվի։
Երևանի և ոչ միայն շուկաներում մրգի ու բանջարեղենի պակաս չկա, տարին առատ է, բնությունն էլ մինչև վերջին օրերը բարեհաճ էր գյուղացու հանդեպ: Չնայած գյուղատնտեսական տարվա առատությանը, բանջարեղենի գները անցյալ տարվա նույն այս օրերի համեմատ բավականին բարձր են: Այս տարվա հուլիսին նախորդ տարվա նույն ժամանակահատվածի համեմատ բանջարեղենի գնաճը կազմել է 9 տոկոս, ի տարբերություն բանջարեղենի, 11 տոկոսով նվազել են մրգի գները: Մինչ վիճակագիրները դիտարկումներ են անցկացնում, գների բարձրացումն առաջինը շարքային սպառողի գրպանին է հարվածում. «Համրյա ամեն ինչն էլ թանկ է, ասում էին տարին առատ է, սակայն, գները կրկին բարձր են»:
«Սպառողների խորհրդատվության կենտրոն» ՀԿ նախագահ Կարեն Չիլինգարյանը հետաքրքրվել է ու պարզել, թե ինչու է կարտոֆիլի գինն այս տարի բարձր, պապատասխանը հուսադրող է՝ կարտոֆիլի շուկայում նկատված գնաճը ժամանակավոր է: Վաղահաս կարտոֆիլը վերջացել է, բարձրադիր վայրերում էլ դեռ կարտոֆիլի բերքահավաքը չի սկսվել: Սպառողների իրավունքների պաշտպանն էլ չի հասկանում, թե ինչպես է ստացվել, որ գյուղատնտեսական առատ տարվա ընթացքում անակնկալները միայն գնաճի տեսքով են մատուցվում.«Ընդհանուր առմամբ սպասվում է բարձր բերքատվություն, չգիտես ինչու, գները, սակայն, բարձր են: Մենք ավելի մեծ գնանկում էինք սպասում»:
Օդերևութաբանները զարմացած էին, 2015թ եզակի տարի էր, երբ զանգվածային ցրտահարություն կամ կարտահարություն չգրանցվեց: Օգոսոտսի 22-ին սակայն, Արարատի ու արմավիրի մարզերում տեղացած կարկուտը բավականին վնաս հասցրեց գյուղատնտեսությանը: Մասնագետները զարմացած են, միշտ չէ, որ օգոստոսին կարկուտ է տեղում: Գյուղատնտեսության նախարարությունը շտապեց հաղորդագրություն տարածել ու գյուղացիներին տեղեկացնել, թե ինչպես վարվեն քամուց շրջված ու կարկտահարված այգիների հետ: Սպառողների խորհրդատվության կենտրոն» ՀԿ նախագահ Կարեն Չիլինգարյանը կարծում է, որ գյուղմթերքի շուկայում հերթական գնաճի պատճառ չի կարող դառնալ, քանի որ մասսայական կարկտահարություն չի գրանցվել:
Գյուղատնտեսության նախարարության հարողդագրության համաձայն, ՀՀ գյուղատնտեսության նախարարն այցելել է Արարատի մարզի կարկտահարված դաշտեր: Տուժած բոլոր տնտեսություններում նախարարը զրուցել է գյուղացիների հետ, նշել, որ կարկուտի պատճառած վնասները հաշվարկելու համար ստեղծվել են համապատասխան հանձնաժողովներ, որոնց աշխատանքի արդյունքներն ամփոփումից հետո կներկայացվեն ՀՀ կառավարություն: Սերգո Կարապետյանը նշել է, որ առաջիկայում կառավարությունում կքննարկվի վարկերի հետաձգման հարցը և կցուցաբերվի անհատական մոտեցում։ Ընդհանուր առմամբ, Արմավիրի և Արարատի մարզում կարկտահարության արդյունքում տարբեր չափի վնասներ է կրել շուրջ 16 համայնք, իսկ Շիրակի մարզում 3 համայնք։
