Այսօր շրջանառության մեջ է դրվել Համահայկական ամառային 6-րդ խաղերը խորհրդանշող նոր փոստային թողարկում`գեղաթերթիկ մեկ նամականիշով: Գեղաթերթիկի մարմանը մասնակցել են ՀՀ կապի և տրանսպորտի փոխնախարար Գագիկ Թադևոսյանը, ըմբշամարտի աշխարհի չեմպիոն Վաղինակ Գալուստյանը, Համահայկական խաղերի համաշխարհային կոմիտեի անդամներ Հերմինե Դուզյանը և Տիգրան Ալթունը, պատվավոր անդամ Հագոպ Կիրմիզյանը, «Հայփոստ» ՓԲԸ գլխավոր գործադիր տնօրեն Հայկ Ավագյանը, ՀՀ ֆիլատելիստների միության նախագահ Հովիկ Մուսայելյանը:
Համահայկական ամառային 6-րդ խաղերին նվիրված գեղաթերթիկի վրա պատկերված է խաղերի ոսկե մեդալի դիմերեսը և դարձերեսը, ոճավորված պատկերված են խաղերի լոգոտիպը և գավաթը, ինչպես նաև նշված են այն քաղաքները, որտեղ անցկացվելու են խաղերը` Երևան, Գյումրի, Վանաձոր, Ստեփանակերտ: Նամականիշի վրա պատկերված է մրզադաշտ` վեց հիմնական մարզաձևերով, ինչպես նաև Համահայկական խաղերի լոգոտիպը:
Համահայկական ամառային 6-րդ խաղերին նվիրված մեկ նամականիշով գեղաթերթիկի դիզայնի հեղինակը Դավիթ Դովլաթյանը: Տպաքանակը 20 հազար օրինակ է, նամականիշի չափերն են` 28/45 մմ, գեղաթերթիկի չափերը` 52/77 մմ:
