Ֆրանսիայի արտաքին գործերի նախարար Լորան Ֆաբիուսն այսօր մեկօրյա այցով ժամանել է Թեհրան: IRNA գործակալությունը տեղեկացնում է, որ արդեն տեղի է ունեցել Ֆաբիուսի հանդիպումը Իրանի ԱԳ նախարար Ջավադ Զարիֆի հետ։
Դիվանագետը հայտնել է, որ սեպտեմբերին Իսլամական Հանրապետություն կայցելի տնտեսական հարցերով ֆրանսիական պատվիրակություն, ինչպես նաև մի շարք ընկերությունների ներկայացուցիչներ:
Ֆաբիուսին կընդունի նաև Իրանի նախագահ Հասան Ռոուհանին, փոխնախագահ, շրջակա միջավայրի պաշտպանության կազմակերպության ղեկավար Մասումե Էբթեքարին, արդյունաբերության, հանքերի ու առևտրի նախարարը։
Ֆրանսիայի արտգործնախարարի այցը Թեհրան կարելի է պատմական որակել, այն առաջինն է վերջին 12 տարվա ընթացքում: Ֆաբիուսը հայտնել է, որ նախագահ Օլանդը Հասան Ռոուհանիին նոյեմբերին Ֆրանսիայի այցելելու հրավեր է ուղարկել:
