Ռուսաստանի պաշտպանության նախարարությունը կպատասխանի Եվրոպայում ՆԱՏՕ-ի Հակաօդային պաշտպանության համակարգերի զարգացմանը, հայտնում է «ՌԻԱ- Նովոստին»: Գերատեսչությանն անհանգստացնում է համակարգերին միանալու նորվեգական իշխանությունների որոշումը.Նորվեգիայում ծրագրվում է փորձարկել ամերիկյան SM-3 հակահրթիռային համակարգեր:
Ռուսաստանի պաշտպանության փոխնախարար Անատոլի Անտոնովն այսօր հայտարարել է, որ ռուսական միջմայրցամաքային բալիստիկ հրթիռները որսալու ունակ հակահրթիռային պաշտպանության անսահմանափակ զարգացման պայմաններում Մոսկվան կձեռնարկի համարժեք քայլեր:
Ռուսաստանի իշխանությունների անհանգստության պատճառ է դարձել Նորվեգիայի որոշումը՝ միանալու հակահրթիռային պաշտպանության համակարգին։ Մայիսի սկզբին նորվեգական լրատվամիջոցները հաղորդել էին, որ նորվեգական «Ֆրիտյոֆ Նանսեն» ֆրեգատն առաջին անգամ մասնակցելու է ԱՄՆ ղեկավարած At Sea Demonstration 2015 զորավարժություններին:
Դրանց, ըստ ռուսական կողմի, մասնակցելու են նաև Մեծ Բրիտանիայի, Կանադայի, Իտալիայի, Նիդեռլանդների և Ֆրանսիայի հակաօդային պաշտպանության ուժերը:
