Ոչ թե բացատրել՝ արդարանալու համար, այլ բացահայտել առասպելները, ասում է առողջապահության նախարարը
Առողջապահության նախարար Արմեն Մուրադյանն այսօր հայտարարել է, որ նախապատրաստվում են ցորենի ալյուրի հաստացման ընդդիմախոսների կողմից ներկայացված առասպելները բացահայտել: Նախարարության աշխատակից ները մինչ այժմ հուզական, զավեշտալի, երբեմն նաև անհեթեթ փաստարկներից բացի որևէ լուրջ, գիտական հիմնավորում չեն լսել, թեեւ պատրաստ են գիտական քննարկումների: Առողջապահության նախարարն այսօր ներկայացրել է իրենց կատարած ծրագրերն ու ներկայացրել անելիքները: Ոլորտի պատասխանատուն մի քանի լավ լուրով էր լրագրողների հետ հանդիպման եկել. դրանցիցի մեկը, օրինակ, ՀՀ-ում որոշ դեղամիջոցների գների 10- 20 տոկոս նվազեցման մասին է:
Առողջապահության նախարար Արմեն Մուրադյանն այսօր լրագրողների հետ հանդիպման էր եկել լավ լուրերով՝ նախարարի վստահեցմամբ` առաջիկայում մեր երկրում որոշ դեղամիջոցների գների 10-20 տոկոս նվազում է սպասվում: Որոշ խոշոր ընկերություններ այդ մասին արդեն հայտարարել են:
Կառավարությունը պարզեցրել է ԵՏՄ անդամ երկրներից դեղերի ներմուծման ընթացակարգերը։ Բացի այդ՝ ԵՏՄ ողջ տարածքում սրտի վիրահատության համար անհրաժեշտ ստենդ ներկրելիս այլևս մաքսատուրք չի գանձվում։ Սա թույլ կտա, որ այստեղ գների փոփոխություններ չլինեն: Նախարարի խոսքով՝ այս տարվա երկրորդ կեսից արդեն շաքարային դիաբետով հիվանդներին անհրաժեշտ ֆրանսիական արտադրության Diabeton MR դեղամիջոցն արդեն հասանելի կլինի հիվանդներին:
Տնտեսված շուրջ 600 հազար դոլար գումարով այս տարի ՀՀ-ում հինգ նոր ամբուլատորիաներ կկառուցվեն, ևս հինգը 2014-ին են կառուցվել: Այս տարվա հունվարի մեկից ներդրված սրտի անհետաձգելի վիրահատություն ծրագրի շրջանակներում բուժօգնություն է ստացել 457 քաղաքացի:
Ոլորտի պատասխանտուի խոսքով՝ ամեն ինչ արվում է, որ գնային քաղաքականությունը չփոփոխվի: Ապրիլի մեկից մինչև տարեվերջ սրտի անհետաձգելի վիրահատության ծրագիրն իրականցվում է Երևանի ութ, Գյումրիի ու Գորիսի մեկական կենտրոններում:
2015թ հումվարի մեկից մենկարկել է «Հիվանդությունների կանխարգելու և վերահսկում» ծրագրի սկրինիգային մասը, որն ուղղված է արյան գերճնշման, շաքարային դիաբետի ու արգանդի պարանոցի քաղցկեղի կանխարգելմանն ու վաղ ախտորոշմանը: 30-60 տարեկան կանայք առաջիկա երեք տարիներին կարող են ամբուլատորիաներ այցելել ու անվճար հետազոտվել:
Ցորենի ալյուրի հարստացմանը վերաբերող հարցերին առողջապահության նախարարն անհամբեր էր սպասում : Ընդդիմախոսների հայտարարությունները առասպել է որակում և հայտարարում՝ չեն պատրաստվում բացատրվել, այլ՝ նախապատրաստվում են հրապարակային ու թափանցիկ բացահայտումներ անել: Փաստարկներից մեկին Արմեն Մուրադյանն այդուհանդերձ անդրադարձավ. «Կուզեմ ձեզ ներկայացնեմ, որ յուրաքանչյուր վիտամին իր պակասի կամ ավելցուկի դեպքում առողջության վրա կարող է լուրջ ազդեցություն ունենալ»:
Պատրաստ ենք գործնական ու գիտական հիմնավորված քննարկումների, ասաց նախարարն ու նշեց, որ մինչ այժմ հուզական, զավեշտալի, երբեմն նաև անհեթեթ փաստարկներից բացի որևէ լուրջ, գիտական հիմնավորմներ չեն լսել:
