Լուսինե Ավանեսյան
«Ռադիոլուր»-Ստեփանակերտ
Այսօր Արցախում մեկնարկել է խորհրդարանական ընտրությունների նախընտրական քարոզարաշավը: Ազգային ժողովի 33 մանդատները վիճարկում են 7 կուսակցություն և 46 քաղաքացիներ: Խորհրդարանի մանդատներից 22-ը համամասնական են: Դրանց համար պայքարում են երեք խորհրդարանական ուժերը՝ «Ազատ հայրենիք»-ը, դաշնակցականներն ու ժողովրդավարները, արտախորհրդարանականներից կոմունիստներն ու «Շարժում 88» կուսակցությունը և Արցախի քաղաքական դաշտի նորեկները՝ «Ազգային վերածնունդ» և «Խաղաղություն և զարգացում» կուսակցությունները: Ընդհանուր առմամբ, համամասնական ցուցակներում ընդգրկված է 164 քաղաքացի: Տարածքային ընտրական հանձնաժողովները 11 մեծամասնական ընտրատարծքներում գրանցել են 46 թեկնածուների:
2015 թվականի խորհրդարանակն ընտրրությունները նախորդներից առանձնանում են նրանով, որ դրանց արդյունքում ձևավորվելու է պրոֆեսոնալ, մշտական հիմունքներով խորհրդարան, ինչը նաև որոշակի փոփոխություններ է բերելու քաղաքական դաշտ: Այս մասին, ինչպես Արցախի հանրային հեռուստատեսությունն է հաղորդում, քարոզարաշավի նախօրյակին նաև Արցախի նախագահ Բակո Սահակյանն է խոսել:
Քաղաքական պայքարի մասնակիցները արդար և թափանցիկ ընտրությունների կոչ են անում միմիայց: Արտախորհրդարանակն ուժերը դեռևս մինչ քարոզարշավը ակտիվ համագործակցություն են սկսել ԿԸՀ հետ՝ մատնացույց անելով մի շարք բացեր, օրինակ «Շարժում 88» կուսակցության դիմումի հետքերով կասեցվել է Ստեփանակերտի քաաղքապետի որոշումներից մեկը, որն ըստ կուսակցության սահմանափակում էր նախընտրական քարոզչության հնարավորությունները:
Քարոզարաշավի նախօրյակին Արցախի նախագահի հրավիրած խորհրդակցության ժամանակ Գործող Աժ նախագահ Աշոտ Ղուլյանը քաղաքական պայքարի մասնակիցներին առաջարկեց հուշագիր ստորագրել արդար և թափանցիկ ընտրություններ անցկացնելու վերաբերյալ:
Իր նախընտրական կոչում ԼՂՀ նախագահ Բակո Սահակյանը հորդորել է գործել փոխադարձ հարգանքի մթնոլորտում:
Արցախյան ընտրությունները միշտ էլ բարձր գնահատականի են արժանացել միջազգային դիտորդների կողմից , քաղքական դաշտի խաղացողների կարծիքով այդպիսին պիտի լինեն նաև մայիսի վեցերոդ գումարման խորհրդարանի ընտրությունները: Դրանք դիտարկելու համար ԼՂՀ արտգործանախարարությունում հրավերի հաստատում են ստացել 41 երկրներից:
Ըստ արտգործնախարարի միջազգային դիտորդների թիվը կհասնի մոտ 90-ի: Քվեարկությունը կազակերպվելու է 279 տեղամասերում: Մեկ տեղամաս գործելու է Երևանում՝ ԼՂՀ ներկայացուցչությունում, գրանցված ընտրողների թիվը 101 739 է:
