Դոհայում մեկնարկել է մարմնամարզության աշխարհի գավաթի խաղարկությունը, որտեղ հանդես են գալիս նաև հայ չորս մարզիկները: Նրանք բոլորն էլ դուրս են եկել եզրափակիչ:
Որակավորման փուլում նժույգաթափում հավասարը չի ունեցել Հարություն Մերդինյանը, իսկ հենացատկում՝ Արթուր Դավթյանը:
Օղակների վրա երկրորդ տեղը գրավել է Վահագն Դավթյանը, իսկ Արթուր Թովմասյանը ելույթն ավարտել է 4-րդ տեղում և կրկին նվաճել եզրափակչի ուղեգիր: Եզրափակիչները կայանալու են այսօր:
