Ընդդիմադիր դաշտը կազմալուծվել է. Գառնիկ Իսագուլյանի հետ համակարծիք է Խոսրով Հարությունյանը, բայց վերապահումով

Ի դեմս ԲՀԿ-ի՝ Հայաստանում ձեւավորվել էր քաղաքական երկրորդ բեւեռը եւ առաջացել էր մրցակցություն՝ ձեւավորելով դրական սպասումներ: Այս կարծիքին է Ազգային անվտանգություն կուսակցության ղեկավար Գառնիկ Իսագուլյանը: Նրա համոզմամբ՝ այն ինչ կատարվեց ԲՀԿ-ի հետ, վերջ դրեց նաեւ այդ դրական սպասումներին: Իսագուլյանի գնահատմամբ՝ քաղաքական դաշտը ամայացվել է եւ դրա պատասխանատուն իշխանություններն են:

Այն հարցում, որ ընդդիմադիր դաշտը կազմալուծվել է, համաձայն է նաեւ հանրապետական խմբակցության պատգամավոր Խոսրով Հարությունյանը: Նա, սակայն, չի շտապում տեղի ունեցածի առաջին մեղավորը համարել իշխանություններին: