«Ժամանակին, երբ ուզում էինք Արզնի հանքային ջրերի գործարանի արտադրանքը եվրոպական երկրներ արտահանել, խնդիր դարձավ, մինչ օրս լիցենզիա դեռ չի տրվել, իսկ ԵՏՄ երկրներ ապրանք արտահանելու հարցում որևէ խնդիր չի առաջանում», -խոսելով Հայաստանի ԵՏՄ անդամակցության մասին կարծիք է հայտնել գործարար Սիլվա Համբարձումյանը: ԵՏՄ տնտեսական համագործակցության հեռանկարնեը լուսավոր է տեսնում գործարարը: Նա վստահեցնում է, որ 2018 թվականին Հայաստանում վիճակը լավ կլինի:
Ինչ վերաբերում է գազի գնին, որը դաշնակից Ռուսաստանը Հայաստանին ոչ որպես դաշնակից երկրի գնով է վաճառում, գործարար Սիլվա Համբաձումյանն ընդունում է, սակայն դրանում մեղադրում է հայաստանյան որոշ ապաշնորհ պաշտոնյաների: «Արմեն Մովսիսյանին պետք է քրեական պատասխանատվության ենթարկել: Նա հիմա անգամ իր տունն է գրավ դրել, որ Նաիրիտի պարտքը մարի երևի»,- ասել է գործարարը:
