ԿարևորՏնտեսական

Չի բացառվում, որ 2016-ին էլեկտրաէներգիայի սակագինը կբարձրանա. Ռոբերտ Նազարյան

lenabadeyan

Չի բացառվում, որ հաջորդ տարի կրկին գրանցվի էլեկտրաէներգիայի սակագնի բարձրացում: Այս լուրը անուղղակիորեն հաստատեց ՀՀ Հանրային ծառայկությունները կարգավորող հանձնաժողովի նախագահ Ռոբերտ Նազարյանը՝ Աժ-ում ներկայացնելով հանձնաժողովի 2015–ի գործունեության ծրագիրը: Հիշեցնենք՝ էլեկտրաէներգիայի վերջին թանկացումը Հայաստանում եղավ այն ժամանակ, երբ Ատոմակայանը վերանորոգման կանգնեց 88 օրով:

Այն ժամանակ սակագինը թանկացավ 40 դրամով: Այժմ արդեն հայտնի է, որ 2016 թվականին Ատոմակայնը կես տարով կանգնելու է նորոգման համար: Սա իր լուրջ ազդեցությունը կունենա էներգետիկ համակարգի վրա, հաստատեց Հանրային ծառայությունները կարգավորող հանձնաժողովի նախագահը:

Ի դեպ՝ դոլար-դրամ տատանումները նույնպես ազդել են էներգետիկ համակարգի վրա: Ռոբերտ Նազարյանի փոխանցմամբ՝ եղած տատանումներից համակարգն արդեն 8 միլիարդ դրամի վնաս կրել է:

Հիշեցնենք, որ վերջին թանկացումները պայմանավորված էին նաեւ համակարգերում գրանցված վնասների պատճառով:

Back to top button