Կառավարության որոշմամբ ՀՀ-ում վարչապետի նախագահությամբ ստեղծվելու է կոռուպցիայի դեմ պայքարի խորհուրդ, որի կազմում կլինեն ինչպես նախարարներ, այնպես էլ խորհրդարանական ընդդիմադիր խմբակցութունների, քաղաքացիական հասարակության ներկայացուցիչներ: Խորհրդարանական ընդդիմադիր խմբակցությունների ներկայացուցիչներ ընտրելու հարցում էր , որ որոշակի տարաձայնություններ կային:
Վարչապետն օրինակ կարծում է, որ խորհրդի կազմում ընդդիմադիր անդամ նշանակելու համար ավելի կոռեկտ կլինի, եթե դիմեն ԱԺ նախագահին ու նրա միջոցով ընտրեն ներկայացուցչին: Մինչդեռ նախարարը հակառակ կարծիքին է, Հովհաննես Մանուկյանի դիտարկմամբ, պետք է դիմել ոչ թե ԱԺ նախագահին, այլ՝ ուղիղ ընդդիմադիր խմբակցութուններին: Այդուհանդերձ, ընդունվել է վարչապետի առաջարկը ու թեման փակվել:
Հիշեցնենք, որ նմանատիպ խորհուրդ արդեն մեր երկրում գործում էր, նոր խորհուրդ ստեղծելու նպատակը: Արդարադատության նախարար Հովհաննես Մանուկյանի ավելի արդյունավետ աշխատելն է, ընդդիմադիր գործիչներին խորհրդի կազմում ընդգրկելը:
ՀՀԿ փոխնախագահ, կրթության ու գիտության նախարար Արմեն Աշոտյանն այսօր չնայած լրագրողների համառ ջանքերին, որևէ քաղաքական հարցի չի պատասխանել: Փոխարենը նշել է, որ այսօր վաղ առավոտյան արդեն երեք գիրք է նվեր ստացել՝ վարչապետից, արդարադատության ու մշակույթի նախարարներից:
Նաիրիտի գործարանի աշխատակիցներն այսօր կրկին հավաքել են կառավարության շենքի առջև՝ պահանջելով վճարել աշխատավարձերի կուտակված պարտքերը: Նրանք նշել են, որ ևս երկու օր կսպասեն ու հաջորդ շաբաթ կրկին ամեն օր բողոքի ակիցաներ կկազմակերպեն:
