Խորհրդարանն այսօր քննարկել է Վերահսկիչ պալատի 2013 թ. հաշվետվությունը: Այս փաստաթուղթը ԱԺ-ն պետք է քննարկեր դեռևս 2014-ի ընթացքում, ինչը չի հասցրել անել: Ուշացած հաշվետվությունը խորհրդարանում ներկայացնում էր ՎՊ խորհրդի անդամ Սեյրան Ավագյանը: Իսկ պատգամավորներին, մինչև հաշվետվության բովանդակությանն անցնելը, այլ հարց էր հետաքրքում ՝ ուր է Իշխան Զաքարյանը: ՀԱԿ-ից Լևոն Զուրաբյանը հիշեցրեց՝ նախորդ տարեվերջին , երբ քննարկվում էր Վերահսկիչ պալատի գործունեության ծրագիրը, Իշխան Զաքարյանը դարձյալ ամբիոնի մոտ չէր:
«Նախորդ անգամ ասացին, որ նա արձակուրդում է: Ինչո՞ւ է նա արձակուրդ գնում, երբ պետք է իր կարևոր գործ ունի` ԱԺ-ում պետք է հաշվտվություն ներկայացնի: Մենք հիմքեր ունենք կասկածելու, որ նրան արգելված է ԱԺ գալ»:
Կասկածները փորձեց ցրել ԱԺ նախագահը ՝ անհեթեություն է մտածել, թե Իշխանը Զաքարյանը խուսափում է խորհրդարան գալ, բայցի այդ ՝ նա անձամբ փաստաթուղթը ներկայացրել է հանձնաժողովներում ու խմբակցություններում, ինչ վերաբերում է նիստերի դահլիճում հաշվետվությունը չներկայացնելուն ՝
«Իշխան Զաքարյանն, ինչպես ցանկացած չնովնիկ, արձակուրդ գնալու իրավունք ունի»:
Պատգամավորները շարունակեցին պնդել՝ ԱԺ կանոնակարգ օրենքն է պահանջում, որ հաշվետվությունը ներկայացվի հենց կառույցի ղեկավարի կողմից: Գագիկ Ջհանգիրյանը հորդորեց կատարել օրենքի պրիմիտիվ պահանջը, Նիկոլ Փաշինյանն զգուշացրեց ՝ տեղակալներին, փոխարինողներին խորհրդարան գործուղելը վտանգավոր ավանդույթ է դառնում: Այդ ավանդույթը 1990-ականից է գալիս, փորձում ենք փոխել՝ ասաց Գալուստ Սահակյանը: Փոխելու կոնկրետ մեխանիզմ առաջարկեց «Ժռանգությունից» Թևան Պողոսյանը:
«Պարոն Սահակյան, Դուք կարող եք դառնալ այդ մշակույթը փոխողը: Եկեք ընդհատենք քննարկումը և այն շարունակենք 2 կամ 3 շաբաթ հետո: Օրենքը չենք խախտի, Ձեր անունը կմտնի պատմության մեջ որպես մշակույթ փոխող, կբարձրանա նաև հարգանքը ԱԺ նկատմամբ»:
Քննարկումը չընդհատվեց ու շարունակվեց Գալուստ Սահակյանի այս դիտարկումից հետո ՝ «Այն թվերին` 1990-ականներին, որեւէ պատգամավոր չէր կարող նման խոսք ասել: Ողջունում եմ ձեր խոսքը, պարոն Պողոսյան, բայց ես ուզում եմ, որ ոչ թե ես պատմության մեջ մնամ, այլ ԱԺ-ն»:
Ի դեպ, պատգամավորների հարցերից հիմնականը, թե ինչ ընթացք են ստացել Վերահսկիչ պալատի 2012 թվականի աղմակահարույց բացահայտումները, քննարկման ընթացքում ոչ ամբողջական , բայց պատասխան ստացավ: Քրեական գործ հարուցել է և այն ընթացքի մեջ է՝ պարզաբանեց ՎՊ ներկայացուիչը ու պատգամավորներին հորդորեց մյուս մամրամասները ստանալ ոչ թե ՎՊ-ից, այլ դատախազությունից:
«Հարուցված է մեկ գործ, բայց քննվում է ՎՊ հաշվետվությունն ամբողջությամբ: ԱԺ-ում հաղորդումով հանդես է գալիս նաև գլխավոր դատախազը: Հարցերը, թե մեր ներկայացրած նյութերից քանիսով է քրեական գործ հարուցվել, ինչ ընթացք են դրանք սատացել, կարող եք պարզել հենց գլխավոր դատախազից»:
