Անսովոր տաք ձմռանն ու գարնանն ընդառաջ գյուղատնտեսական հոգսերն առաջին պլան են մղվում: Գյուղոլորտում Ագրարագյուղացիական միավորման նախագահ Հրաչ Բերբերյանին անհանգստացնող շատ հարցեր կան՝ անսովոր տաք եղանակից մինչև գյուղատնտեսական արտարժութային վարկեր, ցրտահարությունից մինչև մշակաբույսերում տարածված հիվանդություններ: Փետրվարը տաք է լինելու, իսկ երեկ գրանցված բարձր ջերմաստիճանն` ըստ Արտակարգ Իրավիճակների ու Տարածքային Կառավարման Նախարարության հիդրոմետ ծառայության օդերեւութաբանության կենտրոնի պետի տեղակալ Գագիկ Սուրենյանի ռեկորդային է Հայաստանի պատմության մեջ:
