Լույս է տեսել Հերիքնազ Կարապետյանի «Մեծ մամիս հուշերը» գիրքը, որը 1915-ին հայերի դեմ կատարած սարսափելի ոճրագործության խոսուն վկայություն է: Գրքում հեղինակը գրի է առել իր մեծ մամի՝ դեպքերի ականատես Փամբուխ Գրիգորյանի հուշերը: Եղեռնի տարիներին նա անցել է գաղթի երկար, տանջալից ու զրկանքներով լի ճանապարհը` դժոխքից հրաշքով փրկվելու իր պատմությունն ու վկայությունները թողելով իր հետնորդներին: Էրզրումից գաղթած Գրիգորյանների մեծ գերդաստանի պատմությունը Հերիքնազ Կարապետյանն իր գրքի միջոցով դարձրել է բոլորիս սեփականությունը:
