Կառավարության տարեվերջյան նիստ ու գերհագեցած օրակարգ: Գործադիրն այս տարվա վերջին նիստն է անցկացրել ու հաստատել օրակարգում ընդգկված բոլոր հարցերը: Այսօր հաստատվել է նաև նոր ստեղծված ու վերամիավորված նախարարությունների կանոնադրությունը, մի շարք նախագծեր, որոնք կարգավորում են ՀՀ-ի՝ ԵՏՄ-ին անդամակցության հետ կապված հարցերը: Կառավարության որոշմամբ, 2015թ հունվարի մեկից ՀՀ-ում հինգ հազար դրամով բարձրանալու է կենսաթոշակի միջին չափը, փոփոխություններ են կատարվել նաև «Պետական նպաստների մասին օրենքում»: Կրթության ու գիտության նախարար Արմեն Աշոտյանի առաջարկով աշխարհի չորս առաջատար բուհեում սովորող չորս երիտասարդների կառավարությունը պարտադիր զինվորական ծառայության զորակոչից տարկետում է տվել, սակայն, վարչապետ Հովիկ Աբրահամյանը նկատել է՝ « պարոն Աշոտյան, սա առաջինն ու վերջինն է, այսպիսի դեպքեր չեն կրկնվելու»:
հարցեր: Հաստատվեց նոր ստեղծված նախարարության՝ միջազգային տնտեսական ինտեգրման ու բարեփոխումների նախարարության կանոնադրությունը, նախարարության հիմնական գործառույթները ընդգրկում են միջազգային տնտեսական կառույցների ու միությունների հետ:
Ենթադրվում է , որ նախարարությունը ունենալու է երկու մասնագիտական վարչություն, իսկ նախարարության մնացած սպասարկումը իրականացնելու է ՀՀ կառավարության աշխատակազմը: Հաստատվեց նաև ՀՀ Տարածքային կառավարման ու արտակարգ իրավիճակների նախարարության կանոնակարգը:
«Պետական նպաստների մասին օրենքում կատարված փոփոխություններով կառավարությունը «Ծերության, հաշմանդամության, կերակրողին կորցնելու դեպքում սոցիալական նպաստների և թաղման նպաստի չափերը» բարձրացրեց: Ընդհանուր առմամբ, հաջորդ տարվանից վերը նշված նպաստները կբարձրանան շուրջ երկու հազար ական դրամով:
2015թ հունվարի մեկից կբարձրանան նաև կենսաթոշակները: Աշխատանքի ու սոցիալական հարցերի նախարար Արտեմ Ասարտյանն է մանրամասները ներկայացնում
«Նախատեսվում է հիմնական կենսաթոշակի գործող չափը 2015թ հունվարին 14 հազար դրամի փոխարեն սահմանել 16 հազար դրամ, առաջին տասը տարվա համար 700 դրամը մեկ տարվա արժեքի սահմանել 800 դրամ, 450դրամը՝ 500 դրամ: Ըստ էության սա բյուջեով նախատեսված համապատասխան կենսաթոշակի չափի միջինը 14 տոկոսով ավելացման որոշում է, որի արդյունքում 2015թ հունվարից կենսաթոշակի միջին չափը 36 հազար դրամի փոխարեն կկազմի մոտ 41 հազար դրամ»:
Հստակեցվեցին նաև 2015թ հունվարի մեկից հետո սոցիալական փաթեթի շահառուների պարտադիր կանխարգելիչ բժշկական քննության առողջության ապահովագրության լրացուցիչ ծառայությունների հետ կապված հարցերը: Ընդլայնվեցին սոցփաթեթի շահառուների բժշկական ծառայությունները՝ ներառվելով հատուկ և դժվարամատչելի ախտորոշիչ հետազոտությունները: ՀՀ կառավարությունը հաստատեց Հայաստանի և Ռուսաստանի կառավարությունների միջև 2013 թվականի դեկտեմբերի 2ի՝ ՀՀ բնական գազի, նավթամթերքների և չմշակված բնական ալմաստների առաքման ոլորտում համագործակցության վերաբերյալ համաձայնագրին կից արձանագրությունը: « ՀՀ էներգետիկայի և բնական պաշարների նախարար Երվանդ Զախարյանի հիշեցմամբ, համաձայնագրով ՌԴից ՀՀ առաքվող բնական գազի , նավթամթերքների և չմշակված ալմաստների համար ռուսական կողմը արտահանման մաքսատուրք չի գանձելու:
Ի դեպ, նմանատիպ նախագիծ ներառված է նաև ՌԴ այսօրվա կառավարության նիստում: Հստակեցվեին նաև մեր երկրից ու մեր երկիր երրորդ երկրներից առևտրի դեպքում արգելված ապրանքախմբերի ցանկը:
Կառավարության որոշմամբ, սահմանամերձ համայնքների ցանկում ներառվեց նաև Տավուշի մարզի Այգեհովիտ համայնքը: Մեկ պատուհանի սկզբունքը կներդրվի նաև նոտարական համակարգում, որտեղ կաշխատեն Էլեկտրոնային համակարգով: Քաղաքացին այլևս ստիպված չի լինի նոտարական գրասենյակներ ու կադաստրի տարբեր ստորաբաժանումներ այցելել, համապատասխան վճարումների դեպքում կսպասարկվի միայն նոտարական գրասենյակում: Պետական միջոցներով կառուցվող ու վերակառուցղվող տարբեր նշանակության հաստատություններում կներդրվի էներգախնայողության համակարգը:
Վճարունակ չլինելու պատճառով որոշ հողօգտագործողներ դժվարանում են վճարել մատչելի գնով ձեռքբերված պարարտանյութերի գումարը: Գյուղատնտեսության նախարար Սերգո Կարապետյանի առաջարկով վարկերի վճարման ժամկետը երկարաձգվեց մինչև 2015թ մայիսի մեկը: Մինչ որոշման ստորագրումը, վարչապետ Հովիկ Աբրահամյանը գյուղատնտեսության ու ֆինանսների նախարարներից մանրամասն տեղեկանքներ պահանջեց:
Այսպիսին էր 2014թ կառավարության վերջին նիստը: Գործադիրի անդամները կրկին նույն դահլիճում կհավաքվեն արդեն 2015թ:
