ՆԱՍԱ-ն երեքշաբթի օրը հրապարակել է «Արտեմիս III» առաքելության վերաբերյալ նոր մանրամասներ և ներկայացրել անձնակազմի հիմնական անդամներին։ Առաքելությունը նախատեսված է իրականացնել 2027 թվականին և կարևոր փուլ է հանդիսանալու «Արտեմիս» ծրագրի շրջանակում՝ նախապատրաստելով 2028 թվականին նախատեսված Լուսնի Հարավային բևեռ առաջին անձնակազմով վայրէջքը։
«Արտեմիս III»-ի ընթացքում ՆԱՍԱ-ի Space Launch System հրթիռը Ֆլորիդայի Քենեդիի տիեզերական կենտրոնից կարձակի Orion տիեզերանավը՝ անձնակազմով հանդերձ, դեպի Երկրի ցածր ուղեծիր։ Առաքելության ընթացքում Orion-ն առաջին անգամ կփորձարկի հանդիպման և կցման հնարավորությունները Blue Origin և SpaceX ընկերությունների կողմից մշակվող մարդկային վայրէջքի համակարգերի փորձնական տարբերակների հետ։
«Արտեմիս III» առաքելության անձնակազմում ընդգրկվել են.
Ռենդի Բրեսնիկ (Randy Bresnik)՝ հրամանատար,
Լուկա Պարմիտանո (Luca Parmitano, ESA)՝ օդաչու,
Անդրե Դուգլաս (Andre Douglas)՝ առաքելության մասնագետ,
Ֆրենկ Ռուբիո (Frank Rubio)՝ առաքելության մասնագետ։
ՆԱՍԱ-ի «Արտեմիս» ծրագիրը նախատեսում է առաջին անգամ 1972 թվականից հետո մարդկանց վերադարձնել Լուսնի մակերես և հիմք ստեղծել ապագա մարդատար առաքելությունների համար դեպի Մարս։
