Հասմիկ Դիլանյան
«Ռադիոլուր»
ՀՀ կառավարությունն այսօրվա նիստում Վայոց ձորի մարզպետ Էդգար Ղազարյանին ազատեց զբաղեցրած պաշտոնից: ՀՀ վարչապետ Հովիկ Աբրահամյանն ասել է, որ Էդգար Ղազարյանն այլ աշխատանքի անցնելու կապակցությամբ է ազատվում մարզպետի պաշտոնից: «Մենք ուզում ենք շնորհակալություն հայտնել պարոն Ղազարյանին, նա անցնում է այլ աշխատանքի եւ իրեն շնորհակալություն ենք հայտնում»,- ասել է Հովիկ Աբրահամյանը:
Նշենք, որ Է. Ղազարյանը Վայոց ձորի մարզպետի պաշտոնը զբաղեցնում է 2012 թ. հունիսի 22-ից:
