Հասարակություն

Արմեն Մուրադյանը Մոսկվայում կմասնակցի ծխախոտի դեմ պայքարի շրջանակային կոնվենցիայի կողմերի համաժողովին

Ս: ՀՀ առողջապահության նախարար Արմեն Մուրադյանն աշխատանքային այցով մեկնել է Մոսկվա: Նախարարը հրավեր էր ստացել ԱՀԿ ծխախոտի դեմ պայքարի շրջանակային կոնվենցիայի (FCTC WHO)
ղեկավարությունից, ինչպես նաև ՌԴ առողջապահության նախարարՎերոնիկա Սկվորցովայից։ Ինչպես տեղեկացնում են ՀՀ առողջապահության նախարարությունից, այցի շրջանակում Արմեն
Մուրադյանը կմասնակցի Առողջապահության համաշխարհային կազմակերպության ծխախոտի դեմ պայքարի շրջանակային կոնվենցիայի կողմերի համաժողովի 6-րդ նստաշրջանին։
Միջոցառմանը հրավիրված են ԱՀԿ եվրոպական տարածաշրջանի 53 անդամ-երկրների առողջապահության նախարարները, բարձրաստիճան այլ պաշտոնյաներ:

Նստաշրջանի շրջանակում
կկայանա նախարարական պլենար նիստ: Մոսկվա կատարած այցի ընթացքում ՀՀ առողջապահության
նախարարը հոկտեմբերի 15-ին կմասնակցի նաև Ռուսաստանի հայկական միության «Ռուսաստանի հայ բժիշկների ասոցիացիայի» կողմից կազմակերպվող «Բժիշկների առաջին համառուսական համաժողով»-ին, որի շրջանակում կկայանան նաև հանդիպումներ Մոսկվայում գործող հեղինակավոր հայազգի բժիշկների հետ, ձեռք կբերվեն համագործակցության պայմանավորվածություններ:
Արմեն Մուրադյանը Մոսկվայում կունենա նաև մի շարք պաշտոնական հանդիպումներ:

Back to top button