«Իսլամական պետություն» ահաբեկչական խմբավորման և քրդական զինուժի միջև սիրիական Այն էլ Արաբ քաղաքի մոտ կատաղի մարտեր են ընթանում, «Ռոյթեր» գործակալությունը հաղորդում է, որ գրոհայինները շրջապատել են Թուրքիայի հետ սահմանից ընդամենը երկու-երեք կիլոմետր հեռավորության վրա գտնվող բնակավայրը:
Սիրիացի իրավապաշտպանները հայտնում են, որ քաղաքի գրեթե ողջ բնակչությունը լքել է բնակավայրը եւ հատել Թուրքիայի սահմանը։
Սիրիական «Ժողովրդավարական միություն» կուսակցության առաջնորդ Սալիհ Մուսլիմը դիմել է Արևմուտքին՝ քուրդ զինյալներին զենք տրամադրելու խնդրանքով: Քուրդ գործիչը ընդգծել է, որ եթե աջակցությունն ուշանանա, ապա «Իսլամական պետությունը» մահապատժի կենթարկի քաղաքի բոլոր բնակիչներին: Քուրդ առաջնորդները նաեւ դիմել են ԱՄՆ- ին՝ քաղաքը օդից պաշտպանելու խնդրանքով։
