Դոնալդ Թրամփը ցանկանում է չեղյալ հայտարարել ԱՄՆ տարածքում ծնվածների համար քաղաքացիության իրավունքը։ «Մենք պետք է դրան վերջ տանք։ Սա ծիծաղելի է»,- NBC հեռուստակայանին տված հարցազրույցում ասել է ընտրված նախագահը։
Նա չի բացատրել, թե ինչպես է պատրաստվում հրաժարվել ամերիկյան Սահմանադրության 14-րդ ուղղումից։ Միայն նշել է, որ եթե կարողանա, ապա դա կանի «գործադիր միջոցառումների» շնորհիվ։
Սահմանադրության մեջ փոփոխությունների համար Թրամփին անհրաժեշտ է ոչ միայն Կոնգրեսի հավանությունը, այլեւ այն պիտի վավերացվի ¾ նահանգների կողմից։
