Ամստերդամի կենտրոնում տեղացի երիտասարդների և իսրայելցի ֆուտբոլի երկրպագուների միջև տեղի ունեցած բախումների պատճառով 57 մարդ է ձերբակալվել, հայտնում է BBC-ն։
«Քաղաքի տարբեր վայրերում իսրայելցի երկրպագուների վրա հարձակումներ են եղել. միջադեպերի մասշտաբները, տուժածների ու ձերբակալվածների թիվն այժմ պարզվում է»,- ասված է Ամստերդամի քաղաքապետարանի կայքում հրապարակված հաղորդագրության մեջ։
Նիդեռլանդների վարչապետ Դիկ Շոֆն անընդունելի է անվանել իսրայելցի երկրպագուների վրա հարձակումները՝ նշելով դրանց հակասեմական բնույթը։
Իսրայելական «Մաքաբիի» երկրպագուների վրա հարձակումները տեղի են ունեցել նոյեմբերի 8-ի գիշերը Եվրոպայի լիգայում «Այաքսի» հետ խաղից հետո։
