Դոնալդ Թրամփը հայտարարել է, որ Սյուզի Ուայլսը, իր նախընտրական շտաբի երկու ղեկավարներից մեկը, կղեկավարի Սպիտակ տան աշխատակազմը:
Նշանակումն առաջինն է այն բանից, երբ ակնկալվում էր, որ կադրային հայտարարությունների տարափ կլինի, քանի որ Թրամփը պատրաստվում է հունվարի 20-ին վերադառնալ Սպիտակ տուն:
Աշխատակազմի ղեկավարը սովորաբար մեծ ազդեցություն ունի: Նա ղեկավարում է Սպիտակ տան անձնակազմը, կազմակերպում է նախագահի ժամանակացույցը, ապահովում է կապը պետական գերատեսչությունների և օրենսդիրների հետ:
67-ամյա Ուայլսը կլինի առաջին կինը, որը կզբաղեցնի Սպիտակ տան աշխատակազմի ղեկավարի պաշտոնը:
«Սյուզին կոշտ է, խելացի, նորարար և համընդհանուր հիացմունքի և հարգանքի է արժանանում», — ասել է Թրամփը: Ովքեր աշխատել են Ուայլսի հետ, հինգշաբթի հարցազրույցներում ասել են, որ նա Սպիտակ տանը Թրամփի համար կապահովի կայունություն և իմաստուն խորհուրդներ:
«Սյուզին ուժեղ կին է և իսկական առաջնորդ, որն ունի իր գործն ավարտելու ապացուցված փորձ», — նշել է հանրապետական Ֆորդ Օ’Քոնելը:
Ուայլսը 1980-ին աշխատել է Ռոնալդ Ռեյգանի նախագահական արշավում և օգնել է Ֆլորիդայի հանրապետական նահանգապետ Ռոն ԴեՍանտիսին 2018-ին հաղթել ընտրություններում: Աշխատել է նար որպես ավագ խորհրդական Թրամփի 2016 և 2020 թվականների հայտերի հարցում:
