ԱՄՆ նախագահի դեմոկրատ թեկնածու փոխնախագահ Քամալա Հարիսը զանգահարել է իր հանրապետական մրցակցին՝ նախկին նախագահ Դոնալդ Թրամփին, շնորհավորելու նրան ընտրություններում հաղթանակի կապակցությամբ, հայտնում է Associated Press-ը՝ վկայակոչելով Հարիսի բարձրաստիճան խորհրդականին։
«Հարիսը չորեքշաբթի զանգահարել է նորընտիր նախագահ Թրամփին՝ շնորհավորելու նրան ընտրություններում հաղթանակի կապակցությամբ», — ասվում է գործակալության հայտարարության մեջ:
Նշվում է, որ Հարիսը Թրամփի հետ քննարկել է իշխանության խաղաղ փոխանցման կարևորությունը:
