Սոնա Հակոբյան
«Ռադիոլուր»
«Մանկական Նոր ալիք 2014» մրցույթում Հայաստանը ներկայացնելու է 12-ամյա Դավիթ Վարդանյանը: Ընդամենը մի քանի օրից նա կմեկնի Ղրիմ` մասնակցելու հեղինակավոր մրցույթին: Հայաստանյան ներկայացուցիչը նրա երաժշտական պրոդյուսեր Գրիգոր Կյոկչյանն ու պարուսույց Քրիստինե Հովակիմյանն այսօր պատմել են, թե ինչպե՞ս է պատանին պատրաստվում մրցույթին, ի՞նչ երգեր է կատարելու և ի՞նչ ակնկալիքներ ունի: Դավիթը խոստովանել է, որ տրամադրված է մարտական ու Հայաստանը ներկայացնելոը է ըստ արժանվույն:
Մանկական եվրատեսիլ 2013-ու Հայաստանը ներկայացնող և մրցույթում 2-րդ տեղը զբաղեցնող Դավիթ Վարդանյանին նոր փորձություն է սպասվում: 12-ամյա պատանին ընդամենը մի քանի օրից կմեկնի Ղրիմ` այս անգամ մասնակցելու “Մանկական նոր ալիքին”: Խիտ ու հագեցած գրաֆիկը Դավիթին չեն հոգնացնում: Նա հաճույքով պարապում է ամեն օր և տրամադրված է բավականին մարտական:
«Խիստ հագեցած գրաֆիկ ունեմ, սկսած ֆիզիկական պարապունքներից, երգեր լսելու ժամից, ոկալ պարապունքից: ՊԱրապում եմ իմ սիրելի երաժշտական պրոդյուսերի և պարուսույցների հետ: Ընդհանրապես բոլոր մրցույթների արդյունքներն անկանխատեսելի են լինում, բայց ամեն մի մարդ գնում է հաղթելու երազանքով: Հիմա ես էլ երազմում եմ, որպեսզի Հայաստանիս հաղթանակ բերեմ»:
Դավիթն ունի մեծ ձգտում ու ռեալ շանսեր` հաղթելու մանկական նոր ալիքում, բայց չմոռանանք, որ սա մրցույթ է, որում մեծ դեր ունի նաև մարդկային գործոնը, նկատեց նրա երաժշտական պրոդյուսեր Գրիգոր Կյոկչյանը:
«Չպիտի հիվանդանա, այսինքն եթե հաջողությունը մեր կողմը լինի, վստահ եմ, որ Դավիթը եռյակում կհայտնվի, ինչու չէ կարող է նաև հաղթել: Բայց հանգամանքներ կան, որ պետք է բավարարեն մեզ նաև այնտեղ»:
Այն, որ Դավիթը կունենա մեծ հաջողություն և Հայաստան կվերադառնա հաղթանակով, վստահ է նաև պարուսույց Քրիստինե Հովակիմյանը:
Նշենք, որ մրցույթին մասնակցելու է 12 Երկիր: Դավիթն արդեն ծանոթ է մյուս մասնակիցների կատարումներին և կարծում է, որ մրցակցությունը բավականին թեժ է լինելու, քանի որ բոլորն էլ արժանի մրցակիցներ են: Այսպիսով օգոստոսի 16-18-ը Ղրիմում անցկացվելիք մանկական տոնին Դավիթը կմեկնի մարտական տրամադությամբ ու հաղթական դափնին Հայաստան բերելու ակնկալիքով:
